滑 • 輪　GausWheel

文：MenClub Patrick　　圖：MenClub
POSTED ON 12 Sep 2014

Rollerblade、Crazy Cart、滑板車、單輪車、魚仔板，再加埋依然如日方中嘅單車，唔少腳踏玩意都曾經喺香港興起過熱潮，邊個話港人唔鍾意做運動？最近再加多件新嘢，就係呢架來自匈牙利嘅GausWheel，可理解為滑板同單車嘅新種混合體，鍾意「玩輪」嘅朋友，又有得玩喇！

來自匈牙利 GausWheel係由一間匈牙利同名公司研發，設計靈感就係源自skateboard、滑板車同單輪車，大約3年前面世，去到今年初就喺歐美hit起嚟，之後俾本身經營單車舖嘅阿Roy睇中，喺個幾月前引進嚟到香港，成為港澳代理商，今次阿Roy亦幫我哋示範埋點玩。

單車轆滑板身筆者初見GausWheel，覺得佢外形比較似單輪車，但睇見阿Roy由上車到踩地前走，玩法就似踩滑板多啲。阿Roy解釋，其實成架車都係靠人力去推動，而佢同滑板最大嘅分別，就係主轆係一個45磅嘅單車泵氣胎，避震好啲，行走速度亦比滑板高好多，踩得快嘅話，大約可以去到時速15至20km，真係用嚟代步都得！不過又因為個轆大，轉彎需要嘅空間大好多，所以阿Roy建議去空曠啲嘅地方玩。

GausWheel嘅構造其實好簡單，就係一個大轆前面再加一個細轆，大轆左右兩邊都有好似滑板嘅踏板，唔踩地時可以雙腳企晒上去滑行，所以唔少時間都會成個人直立咁踩。大轆更設有煞車系統，brake手把本來固定喺車身頂方，但亦可以拆出嚟變成遙控掣，阿Roy話新手最好抆個brake手把出嚟揸住踩，直到玩熟之後，先至好插實個手把喺原位，烏低身去㩒brake。
阿Roy話上車要右腳上先，平時都係右腳踩實架車，所以車身右邊有塊黑色塾保護右腳。 Brake下面嗰兩嚿白色膠係用嚟頂實膝頭哥借力嘅。
易平衡過滑板阿Roy指新手玩GausWheel嘅難處其實都同踩滑板差唔多，只要平衡到就可以向前推進，一般人半個鐘頭內就學得識踩。佢講大家未必信，但唔識踩板兼平衡力一向差嘅筆者證實，試玩咗三、四個字之後都大致掌握到點平衡，覺得最大原因係佢有個主轆畀我雙膝夾實去借力，令到下盤實在啲，冇踩板咁虛浮，所以易踩啲。阿Roy仲話佢見通常係女仔比男仔更快上手，可能係體重輕更易平衡嘅緣故。不過筆者又覺得因為GausWheel靠晒腰、膝頭同腳踭同發力去轉彎，所以幾耗力，踩得遠嘅話，運動量都幾大，操到下肢同修身㗎！踩地推進直立滑行夾實轉彎烏身㩒brake

玩熟咗之後，下一步梗係想玩花式。雖然阿Roy喺網上見外國有人用GausWheel做啲類似BMX嘅掟彎、跳躍之類嘅動作，但佢都話其實連外國人都係喺學習階段，好多嘢仲係靠搏，所以奉勸大家唔好咁快諗玩花式。同埋佢建議大家玩嗰陣好似佢咁戴齊頭盔同手套，安全啲！
阿Roy建議初學者最好抆出煞車手把揸住嚟踩。 GausWheel都做到跳躍等花式，但初學者唔好亂試。睇相大家見到GausWheel有橙同白兩隻色，其實係兩種車款嚟。橙色嗰架叫Stage 1++，車身用ABS聚合物製造，重約8kg，可負重75kg；白色嗰㗎叫Stage 3+，車身以尼龍同玻璃纖維造成，約重9.6kg，可負重120kg。因為橙色車車身較輕，所以最高速度高啲，但若然你重過75kg，就焗踩白色車喇。
Stage 1++，ABS聚合物製造，重約8kg，可負重75kg，$2,800。 Stage 3+，尼龍同玻璃纖維製造，約重9.6kg，可負重120kg，$3,200。透明殼版Stage 3+，更加型，但暫未推出。
攞正牌香港玩由於GausWheel全無電動組件，所以喺香港玩唔使攞牌。而阿Roy引進GausWheel返香港前，已經問過運輸署，佢哋話只要有brake，就容許喺單車徑踩，大家可以放心玩。但係阿Roy又叫大家唔好去滑板場同街道踩，費事俾人趕咁話喎。
陳柏宇（左）都係玩家之一。
淘寶海量老翻向來鍾意引進新奇單車玩意到港嘅阿Roy，睇中GausWheel之後，就直接聯絡佢哋喺廣州嘅分公司傾代理權，個幾月以嚟，賣出超過50部，絕大部分買家都係單車車友。而阿Roy會提供試車同保養服務，仲會幫人改裝去加快車速。

其實亞洲係大陸同台灣有人玩呢款車先，不過玩嘅多數係抄襲GausWheel嘅老翻，叫做「魔輪」，淘寶有大量唔同款式賣，售價由200至3,000人仔不等，有啲車款更加係行電，喺香港玩會犯法。阿Roy當然知道老翻賣到成行成市，不過佢話好多車友為咗安全，都唔會貪平買老翻，所以唔驚影響生意。查詢：www.facebook.com/gauswheelmhk

COMMENT

KEYWORD

GausWheel, 魔輪, Andras Gönczey, Soma Ungar

< PREVIOUS

Trend Lesson 男裝F/W四個Hit

2014-09-12

NEXT >

相撲級排行　日本美尻榜

2014-09-13

SOMETHING NEW

主打多項AI功能嘅華為Pura 70系列上周正式開賣，多個型號短時間內被搶購一空。不過，有用戶就發現機內嘅AI修圖功能，竟然可以去除部份衣服，生成出性感激凸身材，引起網民熱烈討論。事後華為回覆傳媒，承認AI演算法 ...

tech

【科技】華為手機AI一鍵修圖功能變「一鍵脫衣」引熱議！官方：已修復漏洞

26 Apr 2024

用作救援、巡邏、工業嘅機械狗大家就聽得多喇，識噴火嘅你又見過未？最近美國公司Throwflame就推出一款能夠噴火嘅機械狗「Thermonator」，售價為9,420美元。美國火焰噴射器廠商Throwflame日前推出全球 ...

tech

【科技】可噴9米長火焰！美國公司推出智能噴火機械狗「Thermonator」

26 Apr 2024

SOMETHING YOU LIKE

Rollerblade、Crazy Cart、滑板車、單輪車、魚仔板，再加埋依然如日方中嘅單車，唔少腳踏玩意都曾經喺香港興起過熱潮，邊個話港人唔鍾意做運動？最近再加多件新嘢，就係呢架來自匈牙利嘅GausWheel，可理解為滑板同單車嘅新種混合體，鍾意「玩輪」嘅朋友，又有得玩喇！

來自匈牙利 GausWheel係由一間匈牙利同名公司研發，設計靈感就係源自skateboard、滑板車同單輪車，大約3年前面世，去到今年初就喺歐美hit起嚟，之後俾本身經營單車舖嘅阿Roy睇中，喺個幾月前引進嚟到香港，成為港澳代理商，今次阿Roy亦幫我哋示範埋點玩。

單車轆滑板身筆者初見GausWheel，覺得佢外形比較似單輪車，但睇見阿Roy由上車到踩地前走，玩法就似踩滑板多啲。阿Roy解釋，其實成架車都係靠人力去推動，而佢同滑板最大嘅分別，就係主轆係一個45磅嘅單車泵氣胎，避震好啲，行走速度亦比滑板高好多，踩得快嘅話，大約可以去到時速15至20km，真係用嚟代步都得！不過又因為個轆大，轉彎需要嘅空間大好多，所以阿Roy建議去空曠啲嘅地方玩。

GausWheel嘅構造其實好簡單，就係一個大轆前面再加一個細轆，大轆左右兩邊都有好似滑板嘅踏板，唔踩地時可以雙腳企晒上去滑行，所以唔少時間都會成個人直立咁踩。大轆更設有煞車系統，brake手把本來固定喺車身頂方，但亦可以拆出嚟變成遙控掣，阿Roy話新手最好抆個brake手把出嚟揸住踩，直到玩熟之後，先至好插實個手把喺原位，烏低身去㩒brake。
阿Roy話上車要右腳上先，平時都係右腳踩實架車，所以車身右邊有塊黑色塾保護右腳。 Brake下面嗰兩嚿白色膠係用嚟頂實膝頭哥借力嘅。
易平衡過滑板阿Roy指新手玩GausWheel嘅難處其實都同踩滑板差唔多，只要平衡到就可以向前推進，一般人半個鐘頭內就學得識踩。佢講大家未必信，但唔識踩板兼平衡力一向差嘅筆者證實，試玩咗三、四個字之後都大致掌握到點平衡，覺得最大原因係佢有個主轆畀我雙膝夾實去借力，令到下盤實在啲，冇踩板咁虛浮，所以易踩啲。阿Roy仲話佢見通常係女仔比男仔更快上手，可能係體重輕更易平衡嘅緣故。不過筆者又覺得因為GausWheel靠晒腰、膝頭同腳踭同發力去轉彎，所以幾耗力，踩得遠嘅話，運動量都幾大，操到下肢同修身㗎！踩地推進直立滑行夾實轉彎烏身㩒brake

玩熟咗之後，下一步梗係想玩花式。雖然阿Roy喺網上見外國有人用GausWheel做啲類似BMX嘅掟彎、跳躍之類嘅動作，但佢都話其實連外國人都係喺學習階段，好多嘢仲係靠搏，所以奉勸大家唔好咁快諗玩花式。同埋佢建議大家玩嗰陣好似佢咁戴齊頭盔同手套，安全啲！
阿Roy建議初學者最好抆出煞車手把揸住嚟踩。 GausWheel都做到跳躍等花式，但初學者唔好亂試。睇相大家見到GausWheel有橙同白兩隻色，其實係兩種車款嚟。橙色嗰架叫Stage 1++，車身用ABS聚合物製造，重約8kg，可負重75kg；白色嗰㗎叫Stage 3+，車身以尼龍同玻璃纖維造成，約重9.6kg，可負重120kg。因為橙色車車身較輕，所以最高速度高啲，但若然你重過75kg，就焗踩白色車喇。
Stage 1++，ABS聚合物製造，重約8kg，可負重75kg，$2,800。 Stage 3+，尼龍同玻璃纖維製造，約重9.6kg，可負重120kg，$3,200。透明殼版Stage 3+，更加型，但暫未推出。
攞正牌香港玩由於GausWheel全無電動組件，所以喺香港玩唔使攞牌。而阿Roy引進GausWheel返香港前，已經問過運輸署，佢哋話只要有brake，就容許喺單車徑踩，大家可以放心玩。但係阿Roy又叫大家唔好去滑板場同街道踩，費事俾人趕咁話喎。
陳柏宇（左）都係玩家之一。
淘寶海量老翻向來鍾意引進新奇單車玩意到港嘅阿Roy，睇中GausWheel之後，就直接聯絡佢哋喺廣州嘅分公司傾代理權，個幾月以嚟，賣出超過50部，絕大部分買家都係單車車友。而阿Roy會提供試車同保養服務，仲會幫人改裝去加快車速。

其實亞洲係大陸同台灣有人玩呢款車先，不過玩嘅多數係抄襲GausWheel嘅老翻，叫做「魔輪」，淘寶有大量唔同款式賣，售價由200至3,000人仔不等，有啲車款更加係行電，喺香港玩會犯法。阿Roy當然知道老翻賣到成行成市，不過佢話好多車友為咗安全，都唔會貪平買老翻，所以唔驚影響生意。查詢：www.facebook.com/gauswheelmhk