WWDC 2018都未開始，新iPhone又繼續有新消息。Bloomberg報導指，知情人士透露台積電已經開始量產新 iPhone 下一代處理器A12，而新iPhone預計今年秋季推出。Apple及台積電嘅發言人都拒絕評論消息。

消息指，A12 處理器將會以7 nm(奈米) FinFET製程生產，比起 iPhone 8 及 iPhone X 所採用嘅 10 nm晶片，A12將具有1.6倍邏輯密度，速度提高20％及功耗降低40％。處理器更勁有咩用？除咗你用App快咗，舊電都可以用得耐啲。

年頭曾經有報告顯示，台積電獲得Apple所有A12訂單，令Apple再次將Samsung喺矽供應鏈剔除。Samsung計劃今年開始自行生產7nm處理器，但台積電供應鏈日前曾透露，自己嘅7nm製程喺良率及功率表現都超越Samsung。

來源︰Bloomberg