飛機引擎製造商勞斯萊斯(Rolls-Royce)喺英國法恩堡航空展(Farnborough Airshow)上展出咗協助工程人員維修引擎嘅機械蟲，名為SWARM嘅機械蟲只有10 毫米，可以喺唔拆開引擎下向工程人員傳送引擎內部即時影像。另外，勞斯萊斯亦展示咗FLARE(內窺鏡式蛇形機械人)及INSPECT(潛望鏡式機械人網絡)。

IntelligentEngine係勞斯萊斯對未來引擎發展嘅新願景，並喺今個星期嘅英國法恩堡航空展中展出創新嘅維修方式。其中由勞斯萊斯與哈佛大學(Harvard University)及諾定咸大學(University of Nottingham)合作，研究咗名為SWARM微型協作機械蟲，機械蟲大細只有10 毫米，可以通過身上攝影機傳送引擎內部即時影像。

以SWARM檢查引擎內部可以大大節省成本，因為同樣工序以人手執行需要用上5小時，而喺有SWARM協助嘅情況下需時只要5分鐘。但目前呢啲技術都仲未成熟，要將機械人縮到入到引擎內部係一個大挑戰，所以尚未能夠付諸實行。

Rolls-Royce | SWARM robots from Rolls-Royce on Vimeo.

來源︰TechCrunch