平平哋　玩膽機　TEAC TC-800N

文：MenClub Patrick　　圖：互聯網
POSTED ON 30 Dec 2014

提起膽機，在好多人心目中的印象仍然係《無間道》「高音甜、中音準、低音勁」那類高不可攀的器材，又或者係《逃學威龍2》星爺狗噏話用了5億去買那類天價Hi-Fi。但其實膽機嘅嘢，貴有貴玩、平有平玩嘅啫，好似TEAC新出的微型播放組合TC-800N，就用了兩支大型膽機用的真空管，去作為前級處理音訊，機價卻只係$2,980，人人都玩得起！又要請桂神上身講句：「蔗渣嘅價錢，聽出燒鵝嘅味道！」
普通微型Hi-Fi體型，擺位容易。
微型Hi-Fi身形首先，不要一聽到「膽機」，就以為會係一大座機器放在你面前，其實TC-800N主機的體型，跟普通微型Hi-Fi組合差不多，一定夠放置於蝸居之中。你問它為何不是印象中的膽機樣，沒有一支支真空管凸出來？事關它那兩支真空管內置在主機入面，着機後烘埋去睇，就會見到它們發光。有機箱保護住它們，家中有小孩或寵物的Gentleman，放心得多！
「裝」入機面面板裏，就會見到兩支真空管。
音色暖而圓潤 TC-800N主機所用的兩支真空管，型號為12AX7A及12AX7B，正正係大型膽機前級常用的款式。雖然要令一套Hi-Fi靚聲，是需要所有零件配合，但真空管作為膽機的靈魂，對音質的影響當然格外重要，TC-800N有這兩支真空管坐鎮，牌面已經夠照。成日話膽機靚聲啲，到底有幾靚啫？簡單啲講，膽機的音色一般比普通採用電子晶體管的Hi-Fi溫暖圓潤，所以更加適合聽人聲或管弦樂之類的樂器聲，音樂感亦比較好，音場也較闊。同時，膽機還能提供更多諧振，不僅歌聲中的細節能較全面呈現出來，有時就連所謂的「口水聲」也會聽到，於是能帶出更強的臨場感。
銀色機殼的「鋼水」唔錯。一如以往，機面不會設置太多按鈕，就只有Play、Stop及飛前飛後掣。機面底部則有訊源選擇、低音、高音及音量調節轉掣。
全面真空管組合而TC-800N那兩支真空管，12AX7A是出名能令聲音變暖的，12AX7B則能夠提高分析力，所以這個可算是一個大路全面的組合。不過齋講點得，筆者點都要試聽一下。過程中雖然我無那些一聽就覺得比普通Hi-Fi靚聲的「驚為天人」感覺，但再細味的話，的確會覺人聲係比較立體突出，真係聽到少少好似有人在你面前唱歌的感覺，而且去到高音位時，甚少出現兀核的尖聲。可以講句，它的音色確實超越$2,980這個價位。
想聽好聲音，始終都係需要聽CD。但想方便的話，都可以經USB手指播MP3；這個插頭亦能為手機充電。
前膽後石仲要講埋其他方面，TC-800N的主機係所謂的「前膽後石」，即係除了採用真空管作前級之餘，後級亦內置了D類放大器，能提供最高2x75W的輸出功率，一般香港客廳實夠聽。最重要係一套機搞掂晒，直接連接附設的一對被動式喇叭就聽得，毋須自己再嘥心機嘥空間駁多個Amp。我見過有人話，它的後級沒有同樣用上真空管，爭咁啲。但係調轉頭諗，後級用真空管易燒好多喎，TC-800N的真空管若燒了，就要回廠拆殼更換，現在只在前級用真空管，好似較為穩陣。
機背採用焦插設計，可讓人自行更換喇叭線。仍然配備DAB/FM天線插頭，想收音機音質更好的話，可以插天線。喇叭的體型也不算太大，一般組合櫃或書桌都放得落。因主機的D類放大器幾夠力推，所以不妨換比相中跟機送更粗的喇叭線。
玩埋無線播歌而家話買Hi-Fi組合，多數人都會期望套機有多功能㗎喇，所以TC-800N除了具備FM及DAB+數碼電台接收功能外，亦對應MP3格式，更加支援藍牙無線播歌（有埋NFC配對功能），當它是普通無線喇叭用也可以。當然，追求音質的話，一定係聽CD！
藍牙播歌等新式功能，需靠鋁面製遙控器操控。手機只要在主機機面上印有NFC圖案的位置上拍一拍，就能輕易與TC-800N連接。雖然可將TC-800N主機塞入家中任何角落，但建議將一對喇叭放置於跟聽歌時耳仔同一的高度水平，這樣會更有真人在你面前唱歌的感覺。至於欣賞距離，就最好至少離喇叭6呎。
TEAC TC-800N規格售價：$2,980 對應格式：CD、MP3、DAB+/FM 輸出功率：75Wx2 RMS 傳輸：藍牙4.0（NFC）、USB 體積：259x323x157mm（主機）　　　180x243x281mm（喇叭）總重量：14.12kg 查詢：大昌影音　2262 1173

COMMENT

KEYWORD

TEAC TC-800N, 膽機, 真空管

< PREVIOUS

12頭身排球美少女莎賓娜的戀愛殺球

2014-12-30

NEXT >

AIA嘉年華有乜乜乜玩？

2014-12-31

SOMETHING NEW

AI慢慢進入大家嘅生活方方面面，並開始引起一啲新嘅社會問題。例如早前有電話品牌內置嘅AI改圖功能，竟然能夠對相中人「一鍵脫衣」；而有類似「裸體化（Nudify）」功能嘅P圖App亦如雨後春筍一樣紛紛冒起，《New York ...

tech

【AI】OpenAI考慮容許開放ChatGPT用作生產色情內容

14 May 2024

大家睇開YouTube都會知道，部份影片嘅進度條上方，會有一個顯示影片中某秒有幾多人睇過嘅折線圖，透過呢個圖大家就可以大概知道條片嘅重點或者精華所在。而據外媒報導，YouTube新推出一個AI輔助嘅「一鍵快轉」功能， ...

tech

【科技】YouTube 向Premium用家推「一鍵快轉」新功能

09 May 2024

SOMETHING YOU LIKE

提起膽機，在好多人心目中的印象仍然係《無間道》「高音甜、中音準、低音勁」那類高不可攀的器材，又或者係《逃學威龍2》星爺狗噏話用了5億去買那類天價Hi-Fi。但其實膽機嘅嘢，貴有貴玩、平有平玩嘅啫，好似TEAC新出的微型播放組合TC-800N，就用了兩支大型膽機用的真空管，去作為前級處理音訊，機價卻只係$2,980，人人都玩得起！又要請桂神上身講句：「蔗渣嘅價錢，聽出燒鵝嘅味道！」
普通微型Hi-Fi體型，擺位容易。
微型Hi-Fi身形首先，不要一聽到「膽機」，就以為會係一大座機器放在你面前，其實TC-800N主機的體型，跟普通微型Hi-Fi組合差不多，一定夠放置於蝸居之中。你問它為何不是印象中的膽機樣，沒有一支支真空管凸出來？事關它那兩支真空管內置在主機入面，着機後烘埋去睇，就會見到它們發光。有機箱保護住它們，家中有小孩或寵物的Gentleman，放心得多！
「裝」入機面面板裏，就會見到兩支真空管。
音色暖而圓潤 TC-800N主機所用的兩支真空管，型號為12AX7A及12AX7B，正正係大型膽機前級常用的款式。雖然要令一套Hi-Fi靚聲，是需要所有零件配合，但真空管作為膽機的靈魂，對音質的影響當然格外重要，TC-800N有這兩支真空管坐鎮，牌面已經夠照。成日話膽機靚聲啲，到底有幾靚啫？簡單啲講，膽機的音色一般比普通採用電子晶體管的Hi-Fi溫暖圓潤，所以更加適合聽人聲或管弦樂之類的樂器聲，音樂感亦比較好，音場也較闊。同時，膽機還能提供更多諧振，不僅歌聲中的細節能較全面呈現出來，有時就連所謂的「口水聲」也會聽到，於是能帶出更強的臨場感。
銀色機殼的「鋼水」唔錯。一如以往，機面不會設置太多按鈕，就只有Play、Stop及飛前飛後掣。機面底部則有訊源選擇、低音、高音及音量調節轉掣。
全面真空管組合而TC-800N那兩支真空管，12AX7A是出名能令聲音變暖的，12AX7B則能夠提高分析力，所以這個可算是一個大路全面的組合。不過齋講點得，筆者點都要試聽一下。過程中雖然我無那些一聽就覺得比普通Hi-Fi靚聲的「驚為天人」感覺，但再細味的話，的確會覺人聲係比較立體突出，真係聽到少少好似有人在你面前唱歌的感覺，而且去到高音位時，甚少出現兀核的尖聲。可以講句，它的音色確實超越$2,980這個價位。
想聽好聲音，始終都係需要聽CD。但想方便的話，都可以經USB手指播MP3；這個插頭亦能為手機充電。
前膽後石仲要講埋其他方面，TC-800N的主機係所謂的「前膽後石」，即係除了採用真空管作前級之餘，後級亦內置了D類放大器，能提供最高2x75W的輸出功率，一般香港客廳實夠聽。最重要係一套機搞掂晒，直接連接附設的一對被動式喇叭就聽得，毋須自己再嘥心機嘥空間駁多個Amp。我見過有人話，它的後級沒有同樣用上真空管，爭咁啲。但係調轉頭諗，後級用真空管易燒好多喎，TC-800N的真空管若燒了，就要回廠拆殼更換，現在只在前級用真空管，好似較為穩陣。
機背採用焦插設計，可讓人自行更換喇叭線。仍然配備DAB/FM天線插頭，想收音機音質更好的話，可以插天線。喇叭的體型也不算太大，一般組合櫃或書桌都放得落。因主機的D類放大器幾夠力推，所以不妨換比相中跟機送更粗的喇叭線。
玩埋無線播歌而家話買Hi-Fi組合，多數人都會期望套機有多功能㗎喇，所以TC-800N除了具備FM及DAB+數碼電台接收功能外，亦對應MP3格式，更加支援藍牙無線播歌（有埋NFC配對功能），當它是普通無線喇叭用也可以。當然，追求音質的話，一定係聽CD！
藍牙播歌等新式功能，需靠鋁面製遙控器操控。手機只要在主機機面上印有NFC圖案的位置上拍一拍，就能輕易與TC-800N連接。雖然可將TC-800N主機塞入家中任何角落，但建議將一對喇叭放置於跟聽歌時耳仔同一的高度水平，這樣會更有真人在你面前唱歌的感覺。至於欣賞距離，就最好至少離喇叭6呎。
TEAC TC-800N規格售價：$2,980 對應格式：CD、MP3、DAB+/FM 輸出功率：75Wx2 RMS 傳輸：藍牙4.0（NFC）、USB 體積：259x323x157mm（主機）　　　180x243x281mm（喇叭）總重量：14.12kg 查詢：大昌影音　2262 1173