AIA嘉年華有乜乜乜玩？

文：MenClub Mean娜　　圖：MenClub
POSTED ON 31 Dec 2014

有留意MENCLUB嘅朋友都知道，早兩日MEAN娜發出最後通碟，預告闊別8年嘅AIA嘉年華有乜嘢玩，老老竇竇，雖然AIA嘉年華嘅開放日由12月19日延遲到12月23日，但其實好多部分都仲未完成，所以太早去嘅朋友可能會有啲失望，覺得好多嘢都未有得玩。ANY肥，既然佢開放得，入去兜個圈玩住先都冇壞嘅，一齊重溫多次片段，望真啲AIA呢個嘉年華先！


攤位遊戲篇 AIA嘉年華嘅攤位公仔都非常吸引，想氹女伴開心？討人歡喜嘅公仔就一定冇得輸！睇睇啲基本資料先！基本攤位資料攤位遊戲數量︰全場28個攤位遊戲代幣價錢︰每個為$10 遊戲所需代幣︰除了夾公仔機，大部份每次２枚代幣，有 4次機會獎品等級︰每個遊戲都設有細、中、大、特獎，都是不同大小的公仔其中最吸睛嘅攤位公仔一定係人氣爆燈嘅MINION！玩法：用呼拉圈圈住黃色底座，令呼拉圈完全著地 Tips：對準迷你兵的頭部向上拋呢個遊戲睇落好易，但玩落一啲都唔簡單，因為公仔排列好密，而且黃色底座範圍好大，所以呼拉圈好難完全著地


雖然攤位裡裡外外掛嘅都係著工人褲嘅MINION，但其實攤位內暗藏COSPLAY版MINION！如果你唔開聲問，工作人員都係畀著工人褲嘅MINION你咋！MEAN娜好醒目地發現呢4隻隱藏版MINION後，一口氣豪駛40個代幣晒佢冷，終於儲齊一套帶返屋企，羨剎旁人！但留意返，佢哋冇袋畀你袋住先，唔想左擁右抱啲公仔，就要自備環保袋喇。

另外吸引嘅攤位公仔仲有史迪仔、熊啤啤、小熊維尼、跳跳虎、獨角獸同埋MR.&MISS.系列





機動遊戲篇旋轉木馬溫馨又浪漫，絕對適合同女朋友談談情影靚相


ATMOS FEAR 在場內算是高度較矮的刺激機動遊戲，座位為16個，轉動速度快，中間還會反轉地停留在半空中數秒，非常刺激





BOOSTER MAXX 高約50米的booster maxx，兩邊共有16個座位，分別會360度旋轉及自轉



拍照篇聖誕老人與聖誕小姐之家呢個位真係不得了，一個聖誕老人畀十幾位著住聖誕裝嘅小姐圍住，場面都幾震撼。令人興奮嘅係十幾個聖誕小姐會疑似風情萬種地邀請你過去一同拍照，熱情如火；令人沮喪嘅係，聖誕小姐們嘅樣貌都唔會吸引到你行過去。

3D鏡仔屋利用鏡面倒映原理，大玩錯覺效果。只要瞓喺地面，鏡中就會有倒吊等高難度動作嘅錯覺。雖然只可以用大會相機拍攝，但絕不收費，影完只要輸入 Email 同電話，就即刻有相睇！




飲食篇場內設有多個小食攤位，例如糖果攤位就有多款硬糖軟糖，以及爆谷及棉花糖

另外亦有PIZZA攤位，即場製作熱辣辣意式PIZZA

而家唔止長洲有得食旋風薯片，AIA嘉年華裡面一樣有得食

西班牙嘅油條同甜蔣餅都係場內受歡迎嘅小食之一


不得不提嘅仲有戶外溜冰場，每次所需代幣 6 個，一次約15至30分鐘。就算你唔識溜冰，都可以「小海獅」輔助溜冰，或者坐喺「小海獅」身上，搵工作人員推你都冇問題



AIA嘉年華仲會有不同演藝人員隨時在場表演，炒熱氣氛！


日期：23/12/2014 – 22/2/2015 時間：11am – 11pm 地點：中環新海濱票價：一般門票 12月23日至 1 月 4 日及所有假日及週末 (週末包括星期五, 星期六及星期日) 成人$125 (包$100 代幣、$25 入場費) 3 歲至 11歲小童$90 (包$70 代幣、$20 入場費) 特惠票 1月5日起憑星期一至星期四(非假日) 一價大小通用每位入場$90 (包$70 代幣、$20 入場費) 特别項目票每位入場$500 (包$300 代幣、$100 入場費、$100飲食卷) 特快通道 (於場內發售) $800 特快通行證+ = 特快通行手帶+ $400遊戲代幣 $600 特快通行證= 特快通行手帶-特快通行手帶限量供應 **平安夜、除夕及農曆新年除夕均有特別門票及票價