英國最近有研究顯示，原來每個人每星期都應該要有大約二十個小時的「獨處時間」，否則就會引致疲倦、壓力增大，甚至自我形象低落。

由交友網站「eHarmony」以及心理學家Linda Papapdopoulos博士所做的研究，訪問咗2000位英國成年人，發現有60%受訪者認為自己沒有足夠的「獨處」時間，當中有15%的人認為自己根本沒任何「獨處時間」，另外14%的人則指自己一週只有少於5小時的「獨處時間」。

工時過長明顯是導致此情況的一大主因，有42%的受訪者認為「工作」是妨礙他們得到「獨處時間」的原因，在年齡介乎45-54歲的受訪者當中，該百份比更增至54%。反觀年輕人就認為「社交網站」是另一主因(10%)，因為他們害不能緊貼所有事（FOMO - Fear of Missing Out)。

另外家務(41%)、私事(21%)、想起工作(18%)等都是一些主要原因。

缺乏獨處時間的後果就是覺得更加疲倦(36%)、更大壓力(33%)、憂鬱(14%)，甚至有4%的人認為自己會沒那麼吸引。

Linda Papadopoulos博士指：「雖然每個人實際上需要的獨處時間都不同，但一週20個小時會是一個不錯的標準。有些人可能會每日過幾小時的獨處時間，又或者是在週末或假期一次過補數。」

「人們應在獨處時間內做一些輕鬆的事，如看書、看電影、甚至只是補補眠。」

又等我同你計下呢條數喺香港地可唔可能！一個禮拜廿個鐘就即係一日平均要3個鐘。每日返工放工搭車用兩個鐘，實際返工起碼10個鐘，食飯、沖涼、執下嘢、如果你好似本文青咁自己住仲要做家務又搞你兩粒鐘，未計瞓覺七個鐘就啱啱好淨返3個鐘，好似好可行？

你錯啦！因為我冇數到最最最最花時間嘅嘢：陪女朋友！因為淨係等佢諗到想食咩就已經去咗一個鐘，送佢返屋企又唔見一個鐘，臨瞓前仲要將你一整日嘅行程反芻出黎講多一次比BB聽又唔見你一個鐘，禮拜六日就更加係由朝到晚「呢到去、嗰到買、邊度食」嘅冒險之旅！所以計我話，拍拖先係妨礙你享有獨處時間的最大敵人！

利申：同女朋友拍咗一世人拖，佢叫左手。