你一定有聽人講過︰「我係靠個樣搵食」，意思係佢生得好睇，可以靠個樣賺錢，又或者靠個樣去媾女，總之乜都靠個樣，點會估到而家靠個樣真係有餐飽飯你食丫！

大陸鄭州市就有一間韓國餐廳，真係畀人靠個樣搵食！餐廳門口大大隻字寫著住「靠臉吃飯，長得好看，就能免單 (免費)」係真唔係先？？

餐廳入面有一部「容顏掃描儀」，顧客可以透過呢個儀器，然後讓美容整形專家為你評分。

餐廳以每半小時入場嘅顧客作為一組，外貌得分前5高分就可以免費用餐，一日最多有50個機會。

餐廳都有佢哋「靠臉吃飯」嘅評分標準，不過唔知呢啲標準係根據乜嘢呢？

呢個噱頭一出，就吸引咗許多年輕男女想要挑戰自己。

雖然呢間餐廳非常有趣，不過都有許多民眾對佢嗤之以鼻，認為「美」不應該由佢哋來評斷、並冇所謂嘅標準。講就咁講，但我覺得呢句說話似係出自要畀錢食飯嘅人把口多啲囉~你聞唔聞到啲酸味先~？