佐敦鋤爆莫寧的背後故事

文：MenClub 魏文青　　圖：互聯網
POSTED ON 10 Apr 2015

有經歷過「公牛皇朝」嘅籃球Fans，仲記唔記得92-93賽季，「波神」佐敦常規賽面對擁有當時為新秀的莫寧(Alonzo Mourning)、拉利莊遜(Larry Johnson)而及簡杜基爾(Kendall Gill)嘅夏洛特黃蜂，個人獨得52分，9個籃板，6個助攻，帶領公牛贏123:108，兼且兜口兜面鋤爆莫寧兩次嘅經典一役呢？
如果你有時間可以睇哂成埸唔係就淨係睇波神兩次鋤爆莫寧都得
你可能會覺得波神好有型，又或者你會跟住佢一齊大嗌，但你未必知嘅係佢做咩會咁有火！有份參與當年比賽嘅Kendall Gill(目前為籃球評述員)今日就公開咗當中嘅奧秘。原來當年對上公牛之時，Mourning，Larry Johnson同Gill覺得自己有望打贏波神帶領嘅公牛，於是開始對佐敦講垃圾話(Trash-Talking)，而呢幾位後生仔嘅舉動明顯激嬲咗波神，所以鋤爆Mourning以儆效尤咁話！

「我、Larry Johnson與Mourning當時是聯盟的後起之秀，因為我們對公牛表現不錯，所以自我感覺很良好。但被佐敦鋤爆之後我們就像麥碎一樣被吹散。Alonzo(即Mourning)封阻了兩次公牛的起手，之後我們就開始說垃圾話。因為我與佐敦是對位，所以我立時感覺到他發怒了，但因為我太年少無知，所以我沒理會他。結果佐敦突破了我，然後將Mourning放上了經典海報(意指佐敦鋤爆Mourning的一下成為經典，不停被重播）。故事的教訓？喚出魔鬼是一回事，面對他又是另一回事！未準備好就不要動超人的披肩！」