同朋友去唔識嘅人嘅Party，結果你第一個到

呢個時候就只能夠拎起手機，係咁狂call朋友，又或者係玩住手機，扮忙緊同朋友聯絡。如果唔係喺Party一個人都唔識，就只可以望住別人開心，然後自己尷尬地笑。

行行下見到一個你似乎認識嘅人，但死都諗唔起對方個名
呢個時候就只能夠拎起手機，扮見佢唔到。好彩的話，對方都唔會主動同你打招呼。

同唔熟嘅同事搭電梯
唔係個個同事都傾到計，只係一齊搭電梯咁短時間，扮好多Whatsapp要覆都過到關。如果唔係夾硬要傾計，又唔知講咩，其實都好尷尬。

朋友約食飯卻遲到成個鍾
呢個時候唔玩手提真係唔知仲有咩好做。

與家人食飯，又唔知道傾咩好
唔係個個人屋企都好似「愛‧回家」咁Warm，有時坐埋一齊，真係冇嘢好講。呢個時候就只能夠拎起手機，睇Facebook或者Instagram，以填補寂靜嘅空虛。

搭車遇到怪人時
當你發現對面坐咗一個怪人，係咁望住你，為咗確保自己人身安全，都係唔好同佢對望，低頭玩手機扮冇嘢好啲。

同一個超無聊嘅人約會
呢個時候就只能夠拎起手機，係咁玩電話。你又唔需要覺得咁做好冇禮貌，因為對方可能都覺得你好無聊，想玩手提電話。