唔少長期單身嘅人好多都已經睇化咗，就算面對「情人節」、「聖誕節」呢啲Sweet到唔Sweet的節日，都可以勇敢面對。見到「街裡愛人一對對」？So what？i don't fucking care lor！遲早咪又係散？佢哋就算係樂觀定悲觀都好，話晒行咗呢條漫長的單身路咁耐，好多嘢都習慣了，睇開了，但唔代表你哋可以言語刺激佢哋喎！

究竟單身人士最憎聽到人講咩呢？！一齊睇吓先！

「唔好擔心，你一定會遇到好對象！」
哦？你又知？你係神仙？咁同個28歲嘅矮仔講唔好擔心，你遲早一定會長高有咩分別？

「你點解唔試吓Date其他人？」
喂！我一定冇試囉頂你！試過啦！啲人唔得丫嘛！

「要唔要幫你介紹啲單身朋友？」
唔係唔想你介紹，但被迫去識新朋友好大壓力啫，仲要一舉一動都畀你觀察住，好緊張架大佬！

「你都冇拍拖！同你講你鬼明咩！」
首先，我而家冇拍拖唔代表我冇戀愛過，我一樣都明愛情呢樣嘢！
第二，就算我真係冇拍過拖，咁你明知我冇戀愛經驗，你仲同我傾？？仲要傾完先話返我轉頭？

「係你要求太高先冇對象啫！」
咁係咪只要係女就上先？！戀愛講緣份囉唔該！

「你未遇到啱嘅對象啫！」
係呀，所以我先冇拖拍囉！哈哈哈哈哈哈！