好多人以為得女士先係貓奴，其實大把男士一樣都被臣服喺貓咪嘅肉球之下！高傲又忽冷忽熱，間唔中又好嗲咁黐埋嚟，啲Pose又鬼咁優雅，同女人有咩分別丫？！可想而知，男士鍾意貓，理由相當充分，就同鍾意女人一樣囉！

作為貓奴，就算係男士，相信見到貓咪東西都會暗地裡心心眼。最近日本岐阜縣高山市，就有一間老字號和菓子店「稲豊園」，推出咗相當可愛嘅「貓子和菓」，真係超級打耳呀！

「貓子和菓」一組有五種不同花紋嘅貓咪，每個花紋都代表不同口味。

如果買5個一組就1150日元，10個一組就2200日元。

一齊睇吓不同口味嘅簡介先。

從上數落下，第一隻藍灰貓係豆沙口味。
第二隻白貓係芝士口味。
第三隻黑貓係黑糖口味。
第四隻虎斑貓係紅豆口味。
而最後一隻三色貓係抹茶口味。