興奮呢？等我同你一齊睇下今次講乜先～講乜先～

故事一開始就係一身OL裝扮嘅女主角上咗一架巴士，仲見到不停打乞嚏嘅男主角。

由於天口慶，所以女主角坐低之後就開咗窗。

喺呢個時候，由於男主角天賦異稟(又名感冒)，所以佢身上噴出好多奶白色濃稠液體(又名鼻涕)，仲多到連紙巾都接唔住。

呢個時候男主角一個冷震，知道自己抵受唔住刺激又要射了，於是只好對住窗外噴出又多又熱(?)嘅奶白色濃稠液體(又名鼻涕)。

剛剛遇著啱啱，男主角發射嘅液體被風一吹，一個魯芬急轉彎竟然由女主角側邊個窗片返入車，女主角立時一聲哎唷，仲有閒情逸致用手搓下、閒下男主角發射出黎嘅奶白色濃稠液體(又名鼻涕)。

呢個時候男主角迎來最大高潮，不停對外射出奶白色濃稠液體(又名鼻涕)。

於是女主角塊面就受孕感染了。

其實呢，一切都係韓國「편강한의원(Pyeongang診所)」所拍嘅廣告，意思係叫各位有病就要搵個好醫生黎睇，唔係就係越黎越嚴重啦！係咪好有警示性呢！

Oh, by the way。如果你係緊貼MenClub最新更新嘅忠實讀者，你好有可能係喺食緊飯嘅時間睇到呢條片，睇完係咪好有胃口呢？希望你唔會咁啱食緊栗米肉粒飯啦，話哂上面啲汁都好似片入面啲奶白色濃稠液體架嘛！