巴打平時睇波就睇得多，更甚者可能仲自稱自己對揸波龍抓手，一早揸遍天下無敵波咁話，最鍾意就係周圍同班兄弟講波經喎。超！講極咪最多知道真波同假波有咩唔同；A Cup同D Cup有咩分別～好巴閉咩？如果你講得出乳頭有邊8種Shape、世界最大嘅Cup數係咩，咁我就真係服你係Expert of the breast喇！

唔識以上兩條問題呀？咁你就要睇吓下面嘅胸部冷知識先再認專家喇！

世界上最大嘅胸部Cup數係102ZZZ

美國維珍尼亞州嘅Annie Hawkin患有巨乳症，擁有被列入金氏世界紀錄嘅102ZZZ Cup，而胸部重量則將近39公斤。

少部分人有額外嘅乳房

有少少似副乳嘅概念，不過額外嘅乳房唔一定都喺胸部左右兩側，有啲會喺胸部下方。(全世界約有6%嘅人有額外乳房)

左右兩邊胸部大小唔同

最多一種講法係左邊胸部通常大過右邊，有時候會因為坐姿、睡姿、內衣等關係，令左右胸部大小不一。

乳頭其實有毛髮

可能比較常見男性乳頭有毛髮，但其實女性乳頭都一樣會有毛髮。

每個月胸部嘅大小都會有些微變化

女性喺排卵同埋月經期間，會令賀爾蒙產生變化，令胸部變大少少。

乳頭其實有8種類型

吸煙會令胸部下垂

乳頭上嘅白色小點叫Montgomery glands
主要功用係潤滑，避免乳頭太乾，多數出現喺懷孕或產後嘅女性身上。

喺美國胸部嘅平均值係34DD
不過喺30年前嘅平均值則係34B，人類實在發育得太好喇！