當一個人恨拍拖恨到一個點，真係會變到忽忽哋，不停鑽牛角尖，覺得全世界都針對自己。就算係朋友一番善意嘅安慰說話，聽落都句句有骨咁，將佢詮釋成其他意思。就好似成日聽日講︰「佢唔要你真係佢走寶！」，單身者就會聽咗做︰「你真係咁好佢就唔好走啦。」

各位單身已久嘅巴打，平日受到朋友鼓勵同安慰，會唔會都聽咗做自己覺得嘅版本？

朋友：「你真係有努力嘗試嗎？」

單身者耳裡：「我唔覺得你有試緊囉～」

朋友：「真係令人妒忌喇，我好懷念單身嘅日子。」

單身者耳裡：「你的悲傷根本超無謂。」

朋友：「當你唔刻意尋覓，愛情就會自己嚟架喇。」

單身者耳裡：「你未免太努力搵拖拍了吧？」

朋友：「等我幫你同我朋友拉埋啦！」

單身者耳裡：「媾女/媾仔我在行過你啦！」

朋友：「你可能太揀擇喇……」

單身者耳裡：「你根本冇自己諗得咁好囉……」

朋友：「你點會單身呀？你明明就勁正！」

單身者耳裡：「你一定係有啲問題，只係我未諗到啫！」

朋友：「你最近有冇約吓任何人呀？」

單身者耳裡：「睇見你咁寂寞我都覺得好難過。」

朋友：「你有冇試過網上交友呀？」

單身者耳裡：「喺你盡任何努力去搵到愛之前，都係冇資沒去抱怨架。」