10個男人9個唔鍾意用套，覺得隔住層嘢唔夠到肉唔夠close。好，咁呢個時候，如果又未打算要bb，咁有咩解決方法呢？A.叫女女食避孕藥 B.叫女女打避孕針 C.叫女女戴子宮環 D.叫女女戴子宮帽 E.叫女女食事後丸……想錯你個心！你估港女咁易做架？！港女聽你點架？食避孕丸會水腫乜乜乜，想唔戴套啪啪啪？自己去結紮啦男人！！

咪住！初多媽爹！要條仔避孕啫！唔使咁激動嘅！英國最近有項造福情侶嘅新避孕技術研究，聲稱係男性避孕術嘅一大突破，就係令男性精子短時間停頓，咁就無法同卵子結合，達到避孕效果！

有計劃生育專家指出，好多女性都唔希望服用避孕藥，怕會有副作用，但同時男性都未必願意戴condom，所以呢項令精子停頓嘅最新技術，可以話對男女雙方都帶來極大好處！

話說英國科學家就製造出一種「設計合成物」，可以令精子尾部暫時停止擺動，即係會停咗喺度唔會力爭上游啦，唔游就去唔到卵子度，咁咪可以避孕囉！而且唔使擔心精子會一世停頓，因為佢嘅藥效過幾日就會消失，令精子回復活潑狀態，最nice係唔會破壞精子品質，唔使擔心有後遺症。另外過去嘅女性避孕藥都需要事前長期服用，而呢項最新技術，就話只要喺啪啪啪前幾個鐘甚至幾分鐘食藥，就可以發揮功效，的確方便好多。

之不過目前未正式研究到隻藥，科學家目前仲做緊動物測試，如果研究順利，巴打們真係要訂定十打八打！