{ SKIP }
文:MenClub 波特先生  圖:互聯網
POSTED ON 18 May 2018

2018俄羅斯世界盃在即,各支國家隊最後嘅23人征戰名單陸續出爐。黎到今日最受關注,亦都係今屆最大熱門之一嘅法國亦都公佈左名單,睇見佢地呢套陣容,真係好有可能係繼2006年世界盃之後最強的!

以下為法國征戰俄羅斯世界盃嘅最後23人大名單:

門將:洛里斯(熱刺)、文丹達(馬賽)、艾利奧拿(巴黎聖日耳門)

後衛:華拉尼(皇馬)、烏迪迪(巴塞)、文迪(曼城)、甘佩比(巴黎聖日耳門)、薛迪比(摩納哥)、靴南迪斯(馬德里體育會)、阿爾拉米(馬賽)、柏華特(史特加)


中場:普巴(曼聯)、簡迪(車路士)、馬杜迪(祖雲達斯)、杜列素(拜仁)、尼桑斯(西維爾)

前鋒:基沙文(馬體會)、基奧特(車路士)、麥巴比(巴黎聖日耳門)、迪比利(巴塞)、費基亞(里昂)、林馬(摩納哥)、泰奧雲(馬賽)

候補名單:

賓耶達(西維爾)、高文(拜仁)、哥斯迪(波爾多)、迪保治(聖伊天)、盧卡斯迪治尼(巴塞)、拿卡錫迪(阿仙奴)、馬斯亞(曼聯)、拉比奧(巴黎聖日耳門)、沙高(水晶宮)、施素高(熱刺)、蘇馬(史篤城)

法國今次呢套世界盃陣容可以話係星光熠熠,其中包括基沙文、麥巴比、迪比利、普巴、簡迪、文迪、華拉尼,個個都身價十足及各自係球會嘅重要球員,而好似基沙文就岩岩助馬體會奪得歐霸盃冠軍,狀態達至巔峰。

而今屆法國隊可以話人才多到滿瀉,強如拿卡錫迪、馬斯亞等人都只能夠進入候補名單,足見佢地今次實力上嘅強大。

對比2006年打入世界盃決賽嘅法國隊,當年佢地陣中就有多位巨星,好似施丹、亨利、韋拉、加拿斯、馬基利尼、馬路達、沙夏、杜林、查斯古特、列貝利、巴夫斯等,陣容甚至可以媲美1998年奪得世界盃冠軍個套陣容。只可惜一次世紀頭搥令施丹紅牌出場,最終互射12碼下法國隊錯失第二次奪得世界盃冠軍嘅機會。

而今年,法國隊陣容天賦滿瀉,但相對經驗上就略嫌不足,而好似中場主力普巴今季狀態非常不穩,能否為法國隊帶來穩定嘅表現實在令人擔心。不過,基沙文、麥巴比加上基奧特/迪比利嘅三叉戟則絕對不輸今屆世界盃任何國家隊前鋒組合,法國隊能否走得更遠就全看佢地!

只有佢達到呢個水平
hobby
【籃板球的極致】
20 Aug 2018
【期待新戲】《檢察狂人》木村拓哉 VS 二宮和也律政型男的火爆對決 訴訟時效似乎係日本司法近年熱門的話題,起碼上一次有套22年後の告白 我是殺人犯已經用上這個議題,檢察狂人也都有相關觸及到呢個議題。這套檢 ...
hobby
【期待新戲】《檢察狂人》木村拓哉 VS 二宮和也律政型男的火爆對決. ... ...
20 Aug 2018