上次同大家講過鳥山明老師的《龍珠》作畫、分鏡有幾咁犀利，既然講得漫畫呢，冇理由唔講下動畫嘅！咁講起《龍珠》動畫你會諗到啲咩？一個字－「拖」！

當年漫畫與動畫是同時連載的，後來當動畫版追上漫畫版的進度，但製作群又唔想暫停播放，就唯有千方百計拖慢劇情進度。近年的《鋼之鍊金術師》(唔係FA) 同《火影》等等的動畫版都有遇到同樣問題，前者的方法是創造出一個新結局，後者就開始加入原創、但不影響主線的支線劇情，之於《龍珠》嘅應對方法啦喎，就係「儲氣」啦

我辛辛苦苦等咗成個禮拜佢老闊儲氣都儲Q咗一節去。

當年的動畫呢？就係見到悟空喺到「啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊～～～～」咗整整四分鐘，再穿插各種風雲變色、震爆玻璃同「好強嘅氣呀～」，當中最多對白嘅竟然係界王大人！以當年一集兩節，唔計廣告其實得20分鐘左右的播映量，即係佢用咗四份一集黎「啊啊啊啊啊！」你話頂唔頂氣呀！