話說Tantum行星上有一個魔法學校嘅校長正同一班學生討論即將出現嘅黑暗勢力，突然遠方有條電柱一嘢轟落去，原來係有三位被天空石選中對抗黑暗勢力嘅勇者出現，分別是一個人類、一個妖精同一個盤古族人。之於咩係天空石你唔需要理，反正就係好巴閉嘅石。而天空石選中嘅勇者越多，就代表黑暗勢力越強大。而廿年之後其中一位被選中嘅盤古族細路…依家已經係大路，就成為咗一個一身高清裝甲但唯獨把斧頭係低清嘅主角男。至於點解係盤古族？冇原因只係因為我鍾意大隻佬。

三位被選中的細路分別係人類(平均)、妖精(回避)同盤古(力量)

而唔知點解一身裝甲都好高清嘅盤古主角男會拎住把起哂格嘅斧頭…

主角男跟住一個自稱係佢師傅嘅師傅男返屋企。師傅話佢已經二十年冇返過屋企。行咗兩步就喺路上遇到一個村民女被怪物追殺。師傅一見到人家係女仔就話要去救人，仲二話不說就抱起條女飛埋一二邊食花生，留低主角對付怪物。喂喂師傅你唔厚道喎，救女呢啲粗重功夫應該交畀後生去做架嘛！但作為一個好單純好不做作的主角男當然唔會懷疑師傅嘅救人之心，所以就用低清斧撃退小魔王，仲救出村民女嘅老公──咦你有老公？你呢個水性陽花嘅賤女人！

師傅男知道自己屋企附近竟然有黑暗生物出現，第一時間竟然諗到去覲見女王！但皇宮守衛深嚴，又點會係凡人能夠進入呢──但師傅男連「叫我師傅男」都唔使講就直入皇官！睇黎師傅男比特權更特權！皇宮亦有好大嘅保安漏洞──如果有人偷運危險品同爆炸品咁你點算呀！特事特辦還是少些好！

直入皇宮！

事業心好重嘅女王女

二人見到事業心好重嘅女王女，女王女立時就跟師傅男調情：「看到你的臉，頓時讓人覺得有些懷念呢！」又一個水性陽花嘅賤人！師傅男同女王女匯報城外難民的事，話口未完想統治世界嘅大魔王就無啦啦闖入皇宮。嗱係咪呢係咪呢都話你哋保安太差架啦，嗱依家有非法入境者用自己方法入咗黎啦你話點算好啦！

師傅男叫主角男護送女王女去避難，佢自己就去抵擋大魔王。傻的嗎人家一支公就衝入你大本營咁難得嘅機會緊係Call齊人馬圍毆佢啦！點知主角男又真係好聽話咁送走女王女，但行開都冇十秒師傅男就畀大魔王打低咗，冇主角光環保護果然就係差啲。見到師傅男被打倒，主角男當然要報仇，呢個時候大魔王認得主角男就係二十年前被選中嘅細路，而大魔王竟然唔順手斬草除根，而係派出小魔王測試主角男的實力，又係一個毫無危機意識嘅人！更令人O咀嘅係之後佢自己走咗！喂你究竟係黎統治世界定觀光架？一統天下嘅機會就在眼前你走？？喂？

你師傳臨死前咪好大聲叫咗佢做「路西法」囉！都唔聽書嘅你！

總之目前都仲係1Lv嘅主角男就開始同小魔王打交，打打下，皇官內的天空石就選擇咗主角男做主人，我以為有此奇遇主角男應該會出必殺技輕鬆打敗小魔王，點知到最後都係一刀一刀咁斬落去。有天空石幫忙的主角男當然打敗小魔王，但主角男亦力竭暈低。醒返之後為咗報仇嘅主角男問女王女拎咗幾件裝備就踏上復仇之旅！

之後嘅故事係點？我都唔知！我淨係知道一個咁龐大咁複雜咁有恩怨情仇同深度嘅故事係出自近期非常人氣嘅手機遊戲《Evilbane 綱鐵王者》嘅第一章頭兩關！而淨係第一章就已經有27關！仲有你睇到上面女王女嘅事業心都知佢哋嘅賣點之一就係畫面精美(把低清斧係例外，除非唔係)！加上戰鬥動作爽快流暢，咁你話你點可以錯過呢個史詩式手機遊戲？快啲去官網http://nmn.tw/eb-menclub下載啦！科科！