{ SKIP }
文:傑克  圖:互聯網
POSTED ON 13 Aug 2018

不進則退,人生金句。要進步當然要做令自己進步的事,養成增值的習慣。唔一定要花錢讀書學知識,有些看似輕易卻不簡單的事,你又自問做唔做到呢?

不恥下問

當人成長了,就好怕向人家請教、提問,因為這代表承認自己的不足。但一個人又怎會樣樣都識?唔識就去問,實在正常不過,問得愈多,代表你學得愈多,為了面子而逃避發問,永遠沒法長知識。

練習說話

說話、表達能力,唔好以為好簡單,如何適當地表達到所思所想,其實是一門學問。有好多人不懂說話,詞不達意,講來講去都唔知佢講乜。不懂表達是大問題,例如見工、升職前見上司、開會做匯報、sell客,以至和伴侶、朋友溝通等,都有大影響,表達能力可是人生成敗關鍵!

專注做好一件事

自從社交網絡盛行,工作間的誘惑大增,加上一心多用地工作又備受推崇,以至我們做事經常不能專心。其實專注做一件事,才能做好一件事,如果養成超強專注力,萬事可成!

完成一項困難但有能力達到的目標

訂立目標其實不簡單,訂得太高,好難有動力去做,訂得太低,太輕易成功又沒有意思。如果能夠訂立一些需要努力就能夠達成的目標,而又真的做得到,就最好不過!例如完成一次半馬、一個月內不遲到、一個月內不簽卡等,習慣了努力地達成目標,除了享受到當中的成功感,又訓練到毅力與自信,日後做什麼都用得著。

結交新朋友

人大了,通常只愛與老友相聚,開始抗拒認識新朋友,因為與陌生人交談是頗費氣力的事。但結識得愈多人,愈有機會擴闊脈絡,而人脈可是工作的無形資產。

遇到問題時首先自我反思

當有問題出現,我們總覺得是其他人的錯,甚少會反思是否自己有錯。但如果永遠不覺得自己有錯,就永遠不能從錯誤中吸取教訓,永遠沒有進步了。

各位千禧世代(80及90後)嘅網友又認唔認同?
powerandmoney
【美國調查】千禧世代認為年薪超過400萬港元才能「感到快樂」
23 Nov 2023
作為日本最大遊戲、主機開發商,任天堂素來都係日本年輕人最想加入嘅企業之一,而從其最新公佈嘅數字黎睇,任天堂內部似乎都真係一個「天堂」,事關其新入職社員嘅離職率僅低至1.2%,絕大部份人入到去就唔願走! ...
powerandmoney
【電玩】任天堂真係天堂?員工三年離職率僅1.2% 大幅拋離其他日企
15 Sep 2023