{ SKIP }
文:傑克  圖:互聯網
POSTED ON 20 May 2019

「埋堆」兩字,聽落好難聽,好像很有機心、有目的地與同事扮友好,下屬埋上司堆,更覺得是擦鞋、博上位的行為。其實唔好諗得咁差,埋堆無論在日常工作、未來事業發展、融入公司環境都有好大幫助。

收風

每間公司都有其獨特文化,深入了解公司文化,才能在公司裡走得暢順。而埋堆就是認識公司文化的最佳途徑,因為舊同事會開心share公司的價值觀、理念、工作習慣、管理套路等,深入認識可減少不必要的撞板。

解悶

埋堆,不論是真心或假意,表面上都要與同事有傾有講,相處融洽,在沉悶及繁忙的工作之中,不至於要孤身上路,邊工作邊說笑,時間會過得快一點。

工作順利

大部份工作都需要團隊合作精神,同事間如果只得純同事關係,合作起來難免格格不入,相反,如果與同事埋到堆,遇到有困難,都較容易開口請同事幫忙,如果與其他部門的同事都埋到堆,更有助令工作變得更流暢。而且與同事埋堆,槍口可一致對外,大家一起講上司壞話,上司壓下來的工作,都有戰友分擔。

擋煞

埋了同事堆,即係大家成為自己人,工作時不但會有困難齊齊幫手解決,更重要是當做錯事,工作有所失誤時,上司追究下來,都可以一班人互相包庇,真係紙包唔住火的話,都會一起分擔責任,或講求情話。

建立人脈

埋堆,其實也是建立人脈的一種。在職場上建立人脈的重要性,相信大家都十分認同,對前途或將來事業發展,百利而無一害。作為上司,如果肯自降一下身價,與下屬埋堆,間中請下屬食飯、happy hour,亦有建立自己的班底,將來自組公司創業,也有人願意為你賣命。

過去多國大力推行STEM(科學、技術、工程、數學英文首字母縮寫,以下簡稱理工科)教育,加上近年AI技術大爆發,帶動半導體、電腦科學等熱潮,大家或者會以為未來讀理工科一定比文科更吃香,至少唔怕搵唔到工。不過近 ...
powerandmoney
【工作】讀理科搵唔到工? 美研究指文史哲畢業生失業率更低
23 May 2025
有得揀,絕大部份人都唔會想返工。而返工最麻煩嘅其中一點,就在於要真係「返」去工作地點,亦即日本所謂嘅「通勤」。根據日本嘅一個新研究,通勤時間唔單止會影響你嘅睡眠時間,更會令你壓力倍增! 話說 ...
powerandmoney
【返工】日本研究指通勤時間一小時以上 壓力大8倍 每日只餘3.5小時「Me Time」
05 Dec 2024