{ SKIP }
文:傑克  
POSTED ON 02 Oct 2019
近來的社會氣氛,要在公司做著一些與街上毫不相關的工作,彷彿活於平行時空,真係好難令打工仔好似以前一樣投入及努力工作。究竟應該怎樣調整思緒,才能夠重拾工作動力呢?

不喜歡所做的行業

首先唔好賴氣氛影響住,其實大部份打工仔本身都只是為薪金打工,除非搵到一份人工高又福利好的工作,否則每個月搵得一兩萬,又怎會有足夠動力讓你全程投入工作呢?

搵份自己感興趣的工?咁容易的話就人人都去做了。有時為了生活,只能妥協吧。不過,每個人都總有興趣可以在工餘時間發展,因此,為了可以準時收工,去做自己喜歡的事,工作時間就要加倍投入,快點完成所有工作,這就是最大的工作動力吧。

對公司及個人前景擔心

無可否認,近來的社會運動令到不少行業都面對困境,無論是甚麼理由都好,有些公司確實開始裁員,公司前景連帶自己的前途也不明朗,擔心到沒法投入工作。

為自己的話,努力工作去證明自己在公司的生存價值,讓上司覺得唯獨你是不可取替。為公司的話,也只能努力工作幫公司解決難關,如果做銷售的,就努力為公司找多些生意。

對香港未來的擔憂

個人、公司前景事少,香港的將來才最令人擔憂!日日看著事態發展,你話喇,仲邊有心機工作?仲為咩要工作?

就算認為香港已經冇得救,但唔代表你自己的將來冇得救,尤其是有子女的,更加要為他們著想。努力搵錢移民,離開香港尋求出路!要搵錢,就要努力工作啦!

對大是大非更關心

但是,香港明明是自己的家,為甚麼要我捨離她?點解唔係人渣們返去他們喜愛的大灣區生活?看到他們在這片大家所喜愛的土地橫行無忌,實在可恨!

無錯,真係好可恨!除非你有決心與勇氣辭掉工作走到最前線,否則不如努力做晒手頭上工作,放工去支援大家,又或是努力工作後再搵多份兼職,將搵到的錢捐去合適的機構幫助他人!

各位千禧世代(80及90後)嘅網友又認唔認同?
powerandmoney
【美國調查】千禧世代認為年薪超過400萬港元才能「感到快樂」
23 Nov 2023
作為日本最大遊戲、主機開發商,任天堂素來都係日本年輕人最想加入嘅企業之一,而從其最新公佈嘅數字黎睇,任天堂內部似乎都真係一個「天堂」,事關其新入職社員嘅離職率僅低至1.2%,絕大部份人入到去就唔願走! ...
powerandmoney
【電玩】任天堂真係天堂?員工三年離職率僅1.2% 大幅拋離其他日企
15 Sep 2023