轉眼間，安心事件已過了8個月，當日被全城狂鬧的女主角心穎，近日都已經「反思」完畢返左來了，或者她以為過去半年香港發生了那麼多事，她這件小事應該被網民忘記了吧？結果，大家都有眼看。所以話偷食呢家野，開心完可以好麻煩，大家偷食前真係要諗清楚。

一拍三散

一次不忠，百次不用。偷食過一次，真係好難讓人相信不會有第二三四次。所以，偷食被揭發，通常連份「正餐」都冇埋。看看心穎欲與馬明重修舊好，但看來馬明心早已死，傳聞與詩詠一齊的機會更大。所以，決定偷食的話，請先有心理準備與愛人分開，因為世間上不會有幾多個像Sammi咁大愛，在神愛世人的感召下，可以原諒你。

一世留污

一子錯，滿盤皆落索。有些錯誤，一旦犯上了，真係好難當無事發生過。尤其是有關感情上的不忠，做錯一次就必定一世被標籤為賤男盪女。你看雖然事隔了大半年，當中香港又發生了那麼多事，但心穎回港也立即被網民瘋狂唾罵就知。所以，有膽偷食，就要預左被人唱足一世。

重建需時

知錯能改，善莫大焉。殺人放火者，坐完監之後都可以重新做人，偷食又並非一定罪無可恕。心穎主演的劇集被抽起一陣之後，早排咪一樣放行，她本人在外地過一過冷河之後亦夠膽回港，重有傳話可能會重返幕前。不過，做了錯事想洗底，都唔係講咁容易，真係要接下來嗰幾廿年都不要行差踏錯，先可以慢慢重建番別人的信心，代價都唔細。

留下手尾

一石擊起千重浪。有時候，唔好以為偷食好好玩，大不了被另一半發現，最多分手收場。萬一偷食對象係情場騙子，偷食完之後借機勒索，又或者你當是偷食，人家對你卻痴心一片，開心完之後死纏不放，到時唔係話食完就算，留低一連串蘇州屎，都有排你煩。