{ SKIP }
文:MenClub 魏文青  
POSTED ON 17 Dec 2020

美國兩大科技巨企Facebook及Apple近月衝突頻頻,繼8月時Facebook指責Apple向所有App內付費抽佣30%食水太深,影響中小企使用Facebook做生意謀利嘅能力,近日又於《The New York Times》、《Wall Street Journal》、《Washionton Post》等多份美國大報落全版廣告,指Apple最新嘅iOS更新影響Facebook嘅個人化廣告,繼而再一次影響中小企喎。

前因後果係咁嘅:因為近年越黎越多人對網站收集個人資料 (瀏覽紀錄之類) 再針對性地提供廣告 (即係「個人化廣告」) 感到不安,所以Apple於今年6月舉行嘅WWDC就提出修改iOS嘅資料隱私要求,簡單黎講就係如果個App會收集用家個人資料用作提供個人化廣告,就一定要有個提示訊息彈出黎提醒用家,而用家亦可以選擇唔分享自己嘅資料。假若唔符合呢個條件,個App就冇辦法於App Store上架。

而據Facebook於全版廣告中話,好多中小企就係透過Facebook嘅個人化廣告黎搵客,特別係受疫情影響嘅依家。如果用家唔分享,Facebook就用唔到黎提供個人化廣告;Facebook提供唔到個人化廣告,中小企就搵唔到客,所以就要「為咗中小企們站起來對抗Apple」——當然佢冇講到明嘅係,中小企搵唔到客就唔落廣告,咁Facebook就冇錢收啦。

至於Apple回應CNN時就話,「我哋係為咗用家們發聲,就係咁簡單」、「向用家提供透明度,唔會令Facebook要改變佢哋追蹤用家習慣、或提供針對性廣告嘅做法,我哋只係要求佢哋比個選擇用家啫。」換言之,依家Apple就話自己為用家,Facebook就話自己為咗中小企,但實際上都係為咗各自嘅利益處於對立位置。

有趣嘅係,Facebook同Apple早前都被美國國會評定為「壟斷市場」,Facebook上個星期仲正式被起訴。

資料來源:CNN
同時Elon Musk亦呼籲網民自行隨機抽查Twitter上嘅假帳戶比例,結果被Twitter嘅律師警告佢違反保密協議
powerandmoney
【Twitter】Elon Musk暫停收購Twitter審視垃圾帳戶佔比 網民質疑操控股價?
16 May 2022
各位每日返工,都一定會有唔少嘅工作要完成,但大家嘅習慣會係無論幾時都出盡全力儘快完成工作,定係死到拖到收工前先完成?日本網民「のぶ@学校のモヤモヤ代弁@talk_Nobu」日前就喺Twitter分享兒時經歷,話佢小學三 ...
powerandmoney
【日本】提早完成工作冇著數?日本網民從小學打掃課室中學到真理
10 May 2022