{ SKIP }
文:MenClub 魏文青  
POSTED ON 16 May 2022

Elon Musk收購Twitter出現變數!Elon Musk於上週五突然於Twitter引用《Reuters》於本月初一篇關於Twitter上假帳戶以及垃圾帳戶少於5%嘅報導,話喺收到證據支持「少過5%」之前,收購案會暫停進行。消息一出Twitter股價暴跌20%,亦有唔少網民對於Elon Musk係咪真係想收購Twitter產生疑問。

件事係咁嘅:5月2日、Elon Musk向Twitter提出收購後幾日,Twitter對外發表咗一份報告,當中顯示今年首季Twitter曾向大約2.29億名用戶展示廣告,而喺「所有可賺錢嘅每日活躍用家」中,只有不足5%係假帳戶或者垃圾帳戶,理論上就係一個利好消息黎。但Elon Musk於上週五就突然引用《Reuters》於5月3日對於此事嘅報導,話佢喺收到證據證實「Twitter嘅假帳戶或者垃圾帳戶真係少於5%」之前,佢會暫停收購Twitter。其後佢亦補充自己「依然希望可以收購」,並指佢嘅團隊會隨機抽查100個Twitter用戶,睇下當中有幾多係假帳戶或者垃圾帳戶,亦鼓勵其他網民一齊做。

但無論如何,Elon Musk暫停收購Twitter消息一出,就令Twitter盤前股價大跌20%。而網民亦紛紛於Elon Musk嘅帖文留言討論,有人認為Twitter嘅假帳戶或者垃圾帳戶比例一定多過5%、有人認為Elon Musk當初話收購Twitter就係為咗「整好佢」,依家又話有太多垃圾帳戶就唔買非常奇怪。但更多人就認為Elon Musk從一開始就冇打算真係收購Twitter,所有嘢都係為咗操控Twitter股價而做。

另外值得一提嘅係,有網民留言問Elon Musk網民應該點樣「隨機抽查100個Twitter用戶」,Elon Musk就話只要係「合理地隨機」就可以,仲順手爆埋會揀「100個用戶」呢個數字嘅原因,係Twitter自己公佈個數字,其取樣人數都係100人。然後到昨日佢又再留言,話因為透露咗「取樣人數係100人」而被Twitter律師警告佢違反保密協議。

經常以人口眾多而自豪,號稱「所有問題除以14億都不是問題」嘅中國,近年就迎來人口問題。繼早前中國國家統計局公佈2021年人口僅增48萬後,近日官媒《環球時報》就引述一名高級衛生官員指出中國多個省份於2021年嘅新 ...
powerandmoney
【中國】中國多省出生人口創新低 預計2025年前總人口開始減少
26 Jul 2022
曾多次呼籲大家生多啲BB,避免人類文明瓦解嘅Elon Musk,自己亦身體力行成為九子之父。最近美國富商Mark Cuban就大爆,指佢曾經問過Elon Musk想生幾多個小朋友,點知只係換嚟一句「火星要人」 美國億萬 ...
powerandmoney
【首富】仲想生幾多個小朋友?Elon Musk:火星要人
20 Jul 2022