{ SKIP }
文:MenClub 魏文青  
POSTED ON 06 Jun 2022

據外媒報導,Tesla創辨人兼CEO、全球首富Elon Musk上週向Tesla內部發送電郵,指擔心經濟狀況會變差,所以停止全球招聘,同時會裁減10%員。結果消息一出,Tesla股價應聲下跌,於是Elon Musk琴日又喺Twitter出招,話「員工總數會增加」,咁即係炒唔炒人呢?

卻說上週外媒爆出Elon Musk向Tesla內部發電郵,指因為佢對全球經濟有種「超級差」嘅預感,所以要求各高層停止全球招聘,隨後再出多一封電郵,指Tesla內「多個部門都有太多員工」,未來會「裁減10%月薪員工」,更指出「真係有份整車、整電池、整太陽能嘅員工」都不在只限,換言之係針對主管級員工。值得一提係Tesla全球員工人數近10萬,炒10%亦係近萬人要執包袱。

唔知係咪因為消息一出,Tesla股價暴跌嘅關係,去到香港時間星期日凌晨,Elon Musk又於Twitter回應「Whole Mars Catalog」嘅「未來12個月Tesla員工總人數會上升」推文,指出員工人數的確會增加,「但總薪金應該大致差唔多」。結果網民就紛紛留言「你搞到我好亂」,點樣又炒10%人但員工人數又增加呢?其實又唔係冇可能。事關當日Elon Musk話炒人個電郵,最後仲有一句係「時薪員工人數會增加」,換言之炒哂班人工唔低嘅月薪主管級員工,再請班人工較低嘅時薪員工返黎,理論上的確可以做到「炒人同時總員工人數上升,總薪金不變」。唔少香港老闆都深諳此道。

經常以人口眾多而自豪,號稱「所有問題除以14億都不是問題」嘅中國,近年就迎來人口問題。繼早前中國國家統計局公佈2021年人口僅增48萬後,近日官媒《環球時報》就引述一名高級衛生官員指出中國多個省份於2021年嘅新 ...
powerandmoney
【中國】中國多省出生人口創新低 預計2025年前總人口開始減少
26 Jul 2022
曾多次呼籲大家生多啲BB,避免人類文明瓦解嘅Elon Musk,自己亦身體力行成為九子之父。最近美國富商Mark Cuban就大爆,指佢曾經問過Elon Musk想生幾多個小朋友,點知只係換嚟一句「火星要人」 美國億萬 ...
powerandmoney
【首富】仲想生幾多個小朋友?Elon Musk:火星要人
20 Jul 2022