{ SKIP }
文:MenClub 魏文青  
POSTED ON 16 Jun 2022

相信唔少人都會認同,近年整個世界都係「立場行先」,大家對於一件事、一個人嘅睇法,唔係睇實際發咗啲咩,而係件事/個人代表緊咩立場,而個立場我又支唔支持,結果部份討論 (或者爭執) 根本唔係聚焦於事實或邏輯。而加密幣交易所Kraken日前就發佈咗個新嘅員工守則,指員工必須以邏輯、理據說話。

截圖自:Kraken-culture

加密貨幣交易量為全球前五嘅Kraken,日前於官方Blog上發文指公司會進行全球招募,並提到應徵者應該要認同Kraken嘅數個承諾,並提供鏈結去Kraken嘅公司文化專頁。專頁中有一部份名為「總有某啲人於某個時間被冒犯」,入面就提到,如果所有員工都唔覺得被冒犯,就代表公司內部嘅意見唔夠多元。Kraken指佢哋唔係要員工故意去冒犯人,但希望大家「本意良善」之餘亦要「面皮夠厚」,咁樣先可以「最大化生產力互動」。

隨後又提出一系列「溝通基本原則」,例如公司內部主要係用英文,但員工可以提出使用其他語言因為「語言選擇係冇對、錯或官方規矩之分」;又或者因為文字短訊冇語氣、面部表情,所以鼓勵大家用多啲表情符號等。

接下來就係比較有爭議性嘅內容。Kraken指「員工要對自己嘅感覺負責」而且「覺得被冒犯唔代你一定係啱,或者『受傷害』」;又要求員工「解釋點解你唔同意某啲嘢,冷靜地用邏輯、理據及更好嘅方法去挑戰其他方法」;「我哋唔會話人哋係有毒 (Toxic) 、仇恨 (Hateful)、種族歧視 (racist)、恐X症 (X-phobic)、唔幫手 (unhelpful) 等等」。

Kraken創辦人Jesse Powell亦於Twitter進一步解釋「Kraken文化」。佢話當個幣市開始跌,大家就變得非常敏感,而且斟酌啲「小事、第一世界問題 (first world problems)」而唔係「能幫到數以百萬計民眾嘅任務」。更為「小事」舉例,當中包括「DEI (多元、平等、包容);代名詞,一個人可唔可以被認為係另一種族,又可唔可以用『N-word』;人類間嘅性別不同是否存在;大家都要被尊重及不被冒犯;被『暴力』的言語『傷害』」。

經常以人口眾多而自豪,號稱「所有問題除以14億都不是問題」嘅中國,近年就迎來人口問題。繼早前中國國家統計局公佈2021年人口僅增48萬後,近日官媒《環球時報》就引述一名高級衛生官員指出中國多個省份於2021年嘅新 ...
powerandmoney
【中國】中國多省出生人口創新低 預計2025年前總人口開始減少
26 Jul 2022
曾多次呼籲大家生多啲BB,避免人類文明瓦解嘅Elon Musk,自己亦身體力行成為九子之父。最近美國富商Mark Cuban就大爆,指佢曾經問過Elon Musk想生幾多個小朋友,點知只係換嚟一句「火星要人」 美國億萬 ...
powerandmoney
【首富】仲想生幾多個小朋友?Elon Musk:火星要人
20 Jul 2022