{ SKIP }
文:MenClub 魏文青  
POSTED ON 23 Jun 2022

近日美國出現一宗Google外判員工Kevin Lloyd控告Google違反當地勞工法例,將其非法解僱嘅訴訟,就咁睇大家或者以為會係一單普通勞資糾紛,但細閱案情後,單案嘅背後原來係一個「邪教入侵Google」嘅故事。據知邪教教友利用職務之便,將其他教友安排加入公司,而且火速升職加薪,又會刻意選用其他教友開立嘅公司作供應商,實行利益輸用。而當Kevin Lloyd向人事部提出投訴之後,佢就被解僱。

據Kevin Lloyd於Medium撰寫嘅文章,佢於2017年加入隸屬Googel Developer Studio (GDS, 負責拍攝、製作宣傳片及活動嘅部門)嘅外判商Advanced System Group (ASG)工作。Kevin Lloyd於加入公司後不久,就發現直屬上司Gabe Pannell以及多位同事,都與公司總監Peter Lubbers同樣來自加州Oregon House地區,同時又有其他同事向其透露Oregon House係一個邪教嘅根據地。於是Kevin Lloyd就開始搜尋相關資料,結果發現25名同事中,有至少12人都係一個名為「Fellowship of Friends」、號稱崇拜藝術、希望於末日後成為人類火種嘅邪教成員。

隨後Kevin Lloyd發現呢一班教友都於公司內任居要職,例如佢嘅直屬上司Gabe Pannell於Kevin Lloyd入職時,其實大家係同級,但6個月內Gabe Pennell就連跳三級成為執行製片人,而且正式成為Google員工,2019年更升至執行製片總監,成為公司內一人之下萬人之上嘅高層,而同期Kevin Lloyd只係升咗一次職,加咗兩次人工。而且Gabe Pannell更有返工飲酒、濫藥嘅習慣,又會醉酒鬧事干擾拍攝工作,更曾兜口兜面稱呼另一個同事「冇用,應該要炒」,結果該名同事真係被炒。

另外又有只識英文嘅教友擔任需要多種語言能力嘅「本土化業務」、本來做園藝、毫無經驗嘅人入黎做項目經理等。同時Peter Lubbers又利用職務之便,不停安排與教會有關嘅人成為公司嘅供應商,例如多次選擇Oregon House嘅酒莊為活動供應酒水,又會安排教友、甚至自己嘅老婆仔女以工作人員身份出席活動以賺取工資。而據知所有「Fellowship of Friends」嘅教友,都要將自己人工嘅10%上繳教會,考慮到教友於公司內都擔任要職,例如Peter Lubbers嘅年薪可達上百萬美金,換言之教會每從Google身上獲得上百萬美金「贊助」。

圖片:kwilliamlloyd on Medium

Kevin Lloyd於了解狀態後,決定向ASG上司舉報,但上司不但冇向Google通報,更於去年2月將Kevin Lloyd解僱。由於Kevin Lloyd表現一直得到Google團隊認何,連佢哋都感到非常驚訝,紛紛要求Kevin Lloyd復職卻冇回應。結果Kevin Lloyd向Google及ASD提告。

資料來源:kwilliamlloyd on Medium、New York Times

經常以人口眾多而自豪,號稱「所有問題除以14億都不是問題」嘅中國,近年就迎來人口問題。繼早前中國國家統計局公佈2021年人口僅增48萬後,近日官媒《環球時報》就引述一名高級衛生官員指出中國多個省份於2021年嘅新 ...
powerandmoney
【中國】中國多省出生人口創新低 預計2025年前總人口開始減少
26 Jul 2022
曾多次呼籲大家生多啲BB,避免人類文明瓦解嘅Elon Musk,自己亦身體力行成為九子之父。最近美國富商Mark Cuban就大爆,指佢曾經問過Elon Musk想生幾多個小朋友,點知只係換嚟一句「火星要人」 美國億萬 ...
powerandmoney
【首富】仲想生幾多個小朋友?Elon Musk:火星要人
20 Jul 2022