古語有云做人冇夢想同條咸魚有乜分別，唔少人都想試下自己做老細創一番事業。點樣先可以成功創業？行政長官林鄭月娥話：「政府由八大範疇推動創科發展。」阿里巴巴集團董事主席馬雲就贈大家一句：「唔好等政府，唔好等政策！」

昨晚阿里巴巴集團、香港數碼港同香港科技園公司於會展合辦創業比賽「JUMPSTARTER 2017」，壓軸主題演講更有兩位重量級嘉賓：行政長官林鄭月娥同阿里巴巴集團董事局主席馬雲，分享創業機遇及成功要訣。林鄭月娥指政府提供20億「創科創投基金」扶助初創企業發展，又指要發展創新科技，講求政府領導及社會文化，形容年青人勇於創新，但如父母不支持，政府亦無能為力。

馬雲近期憑電影《功守道》由科技界踩埋入影視界，紅爆網絡。他謂創業成功要訣有三：保持樂觀，了解自己比其他人優勝之處；重視團隊，訓練人才；以及願意犧牲，不急功近利。他認為香港有市場、科技、資金及人才優勢，又提醒與會者：「千祈唔好隨波逐流，唔使理啲對手，要關心嘅應該係消費者。」籲創業者勿盲從科技趨勢，應該與別不同，專注發展自己過人之處。

馬雲更加妙語連珠，乘機抽身旁林鄭月娥水，表示：「如果政府畀唔到錢你，減稅囉！」而當林鄭月娥侃侃陳述完其八大有關推動創科發展之政策，演講環節將要結束之時，馬雲再直線抽擊，補多一句：「在場的各位創業者，記得唔好等政府！唔好等政策！及早準備好啦！」