對於低端人口嚟講，千億美元身家到底係咩概念？係1後面有11個零，以一架林寶堅尼賣718萬港元計，1千億美元（7,800億港元）即可以買到108,635架。世界上目前只有一位千億美元富翁，佢就係網絡巨頭Amazon創辦人兼全球首富Jeff Bezos。

上星期五對唔少外國零售商嚟講係重大節日，因為係感恩節後嘅黑色星期五（Black Friday），亦即係聖誕檔期減價日，普天同慶。Amazon網上商店於黑色星期五大搞優惠，刺激消費，股價於接下來的星期一亦曾升至1,213.41美元。創辦人Jeff Bezos受惠於股價上漲，身家亦上升至1,010億美元，Bloomberg及Forbes百萬富翁排行榜數據均顯示，他是榜上唯一身家過千億美元的人，比第二位的Microsoft創辦人Bill Gates多出約116億美元。

據Forbes統計，上一次出現「千億富翁」已是1999年4月，當時Bill Gates乘著Microsoft股價上揚，身家一度超過1千億。今年10月底，Amazon股價大升13.2%，帶挈Jeff Bezos在財富榜上首次超越Bill Gates，成為全球首富。