由2012年開始重製嘅《Tomb Raider》系列嚟到遊戲3部曲嘅最終章—《Shadow of the Tomb Raider》。新作將會喺今年9月14日正式喺Xbox One、Windows PC及PlayStation 4平台上發售。

今集遊戲背景將設於失落咗嘅馬雅古文明，主角羅拉將會不斷穿梭樹林，以及有大量叢林打鬥。而羅拉除咗可以用弓箭、匕首等武器之外，仲可以爬上樹上使出下落擊殺等動作。

筆者喺Microsoft Threater中以Xbox One試玩新作《Shadow of the Tomb Raider》，羅拉嘅整體遊戲動作都非常自然及真實，而且每個動作都充滿力量，遊戲畫面亦非常細緻，甚至係水底場景嘅光暗位都層次分明。

另外，今集新作嘅動作加入咗游繩潛水，以及解迷。頭先講到有水底場景，而羅拉潛水時需要喺短時間內完成多項任務再浮上水面。

(由於禁止拍攝遊戲畫面，只有影片截圖)