Apple喺今年9月24日推出嘅macOS Mojave，為一眾Mac用家帶嚟咗期待已久嘅Dark Mode，不過咁樣係唔夠！所以Microsoft喺最新嘅Office 2019 for Mac版本中都正式加入咗Dark Mode，而支援Dark Mode嘅App就包括Word、Excel、PowerPoint 及Outlook。

只要你部Mac已經Update到支援Dark Mode嘅macOS Mojave，及有Update到最新16.20版本嘅Office 2019 for Mac，咁就可以使用Dark Mode嘅Office軟件。

And with v16.20 some customers will see our Ribbon Visual Refresh with new icons and styling in Office 365 for Mac, as we begin rolling out and getting your feedback! On macOS Mojave, the new icons adapt to Light and Dark Mode as well! #Office365 pic.twitter.com/2iLdWNx7qD

— Derek Snook (@derek_snook) December 11, 2018

其實Update咗Office去Dark Mode除咗令顏色與macOS Mojave更加統一外，Dark Mode更能夠喺陰暗環境減少螢幕發光，令使用者睇得更舒適，而黑底白字亦都可以提高用家嘅專注度，一舉幾得！另外，今次Office嘅更新仲支援Mojave嘅Continuity Camera功能，用家可以喺iPhone上影相，然後直接貼上到PowerPoint等軟件上。

來源：MacRumors