今年嘅2019 CES(國際消費電子展)正於喺美國拉斯維加斯舉行，其中LG新推出嘅電視機吸引咗唔少人嘅目光，因為佢係一部捲得埋嘅電視機！LG新發布嘅SIGNATURE OLED TV R可以切換3種唔同嘅運作模式，其中當用家唔想睇電視時可以將電視螢幕捲埋變Zero View，而底座嘅音響設備仍可以運作。

LG嘅SIGNATURE OLED TV R由巨型SoundBar底座及可捲縮嘅電視螢幕組成，分別有Full View、Line View及Zero View 3種唔同運作模式，而Full View模式就係大家最熟悉嘅電視機模式。另外，如果用家唔想睇電視的話，可以選擇只露出一部分螢幕嘅Line View，顯示LED 時鐘等日常生活資訊。

如果用家覺得電視螢幕太大影響視野的話，可以將電視切換至Zero View，將電視螢幕完全捲縮入電視底座，而喺Zero View模式下，電視底座嘅音響設備可以運作，用家可以當佢係喇叭咁播放音樂。

來源：The Verge