Apple連日嚟不斷推出產品更新，但新產品就仲未有消息。不過日前Apple就推出咗iOS 12.2 Beta 6，其中有開發者Beta中搵到有關無線充電板AirPower嘅可靠推出證據，睇嚟Apple已經解決晒AirPower充電過熱嘅問題，有望喺下星期Apple發布會推出。

日前有開發者喺iOS 12.2 Beta 6中搵再無線充電板AirPower將推出嘅新證據，其中無線充電系統組件生咗好大變化，包括負責辨識2個設備於同一塊充電板上嘅充電程式碼，簡單講就係支援一塊充電板為同時為兩裝置充電嘅充電代碼。

Apple於3月25日嘅發布會日子臨近，相信到時AirPods 2會同時推出，而充電盒亦會支援無線充電，以配合Apple早於2017年發布AirPower時，介紹充電板能夠同時為Apple Watch、AirPods及iPhone同時充電嘅功能。

來源：MacRumors