由EA 推出嘅免費「食雞」遊戲《Apex Legends》推出至今約3個月，火速成為最受歡迎大逃殺射擊對戰遊戲之一，日前EA 於公司業績發布會上表示，遊戲正在開發緊手機版本，而EA 亦會同騰訊合作將遊戲打入中國市場。咁將來《Apex Legends》推出手機版，大家就可以好似《PUBG Mobile》同《Fortnite》咁隨時隨地同朋友玩！

EA CEO Andrew Wilson 喺業積發布會上表示，《Apex Legends》嘅成長速度唔只係EA 作品中排名第一，新增目前玩家基數嘅30%新玩家，所以EA 對《Apex Legends》抱有超出想像嘅期待。目前手機版《Apex Legends》仍然喺開發當中，推出時間表仍然有待EA 進一步公布消息。

至於EA 與騰訊合作將《Apex Legends》打入中國市場，筆者係抱有少少擔憂。事關中國自去年開始不斷收緊遊戲審批，而且《Apex Legends》暴力類型嘅射擊遊戲，不過有中國TBA 三巨頭之一嘅騰訊合作，話唔定可以殺出一條血路！

來源：Engadget