波音 737 MAX-8 客機早前因系統問題導致先後5個月內發生兩宗致命空難發生，日前波音公司(Boeing)發表聲明宣布波音 737 MAX 軟件修復程序已經全面完成，而經過軟件修復後波音 737 MAX 機型已進行咗207次飛行測試，飛行總時數超過360小時，而且再無出現任何問題。不過目前包括香港等多地已經禁止波音 737 MAX 飛抵或飛越所屬領空，究竟波音 737 MAX 能唔能夠翻身呢？

早前有外國媒體曾經報道指，波音公司喺今年4月中旬已經基本完成咗對 737 MAX 嘅軟件修復，且進行咗127架次飛行測試，累計時間超過203個小時。而波音 CEO Dennis Muilenburg 也曾經表示，喺全球50多間 737 MAX 運營商中，有90%都喺飛行模擬器中更新咗修復版本軟件。

此外，美國聯邦航空總署(FAA)計劃喺5月23日於德州 Fort Worth 開會，屆時會聚集全球航空監管機構，並對波音 737 MAX 軟件評估及機師訓練檢討作更新。暫時目前仲未知道 737 Max 幾時可以復飛，但美國部分航空公司表示，預計波音7 37 MAX 進行軟件修復程序後有望最快7月中旬復飛。

來源：Cnet