上星期五電動車製造商 Tesla 面臨近兩年多以來股價最低點，股價大跌7.58%至211.03美元，而暴跌嘅觸發嘅原因一封 Tesla CEO Elon Musk 向員工發放嘅內部信件，其中講到公司如果唔嚴格執行成本控制措施，恐怕會喺10個月內耗盡現金。

如果你有留意美股的話，都會發現上星期五 Tesla 大跌17.3美元至211.03美元，成為當日 Nasdaq 100 指數成分股中表現第二差嘅個股。雖然5月初 Tesla 先完成咗股票、債券發行，最多可以集資27億美元，不過 CEO Elon Musk 喺內部信件中提到公司仍然需要降低成本，而佢同財務長 Zach Kirkhorn 會新自審核員工開支，包括包括薪資及出差旅費等。

此外，Tesla 喺上星期五暴跌嘅部分原因亦可能與上星期四消息有關，當時美國國家運輸安全局(NTSB)初步報告指出，一宗發生於今年三月嘅 Model 3 死亡車禍中，車主喺發生意外前10秒曾經使用汽車自動駕駛，而證據顯示佢雙手喺車輛撞擊時並無駕駛軚盤。

而 Tesla 發言人當日回應指，Tesla 電動車駕駛使用自動駕駛嘅紀錄已經超過10億英里，所以數據顯示一位細心而且隨時準備掌控軚盤嘅駕駛者，使用自動駕駛功能嘅車會比無呢個功能嘅車更為安全。

來源：The Verge