有鞋履除臭機　除鞋唔使怕

文：MenClub Patrick　　圖：MenClub
POSTED ON 07 Jan 2015

雖然而家又凍又乾，但睇怕春天唔使幾耐就會嚟，到時周圍又變到濕立立，幾難頂。呢種天氣，除咗最驚啲衫晒唔乾有陣霉味外，鞋履因唔夠乾爽，焗住啲汗焗到有臭味，亦都好令Gentleman頭痛。大佬，喺屋企除鞋有味俾老婆或女友哦都事小，去到人哋屋企遇到咁嘅情況先尷尬呀。更大鑊嘅係，要去啲高檔少少嘅日本餐廳食飯應酬嗰陣要除鞋的話，真係唔知點算好，唔通中間偷走搵個地方洗腳換襪再噴番香對鞋咩！唔想咁樣，可以點樣？其實都有橋減少遇到呢啲尷尬境況嘅，梗唔係叫大家放幾大包防潮珠入鞋籠咁戇dog dog啦，係可以試吓用呢部AKAI XSS-700鞋履殺菌除臭機。Work唔work？我班咗部返嚟試畀大家睇！
AKAI XSS-700鞋履殺菌除臭機
紫外線殺菌　光觸媒除臭其實靠咩能夠幫對鞋又殺菌又除臭？就係UV紫外線！喺呢部機兩隻插入鞋籠嘅伸縮臂尖端入面，都內置咗UV燈，即係古天樂成日晒嗰啲燈呀，原來唔止可令人變黑，仲可以殺菌消毒㗎！官方話XSS-700所用嘅技術，經過日本食品分析中心證實，能有效殺死足癬菌同金黃葡萄球菌，消毒率更加高達99%！老老實實，我唔知點解係搵食品分析中心驗畀鞋用嘅殺菌機，亦冇能力驗證係咪真係殺到咁多菌，我只能夠試吓經佢殺完菌嘅鞋，係咪真係冇味。不過，試之前仲要講解埋佢另一種除臭技術，就係光觸媒。呢樣嘢大家應該接觸得多啲，事關現時好多雪櫃都有用佢嚟僻味。光觸媒只要一經光線照射，就會釋放出二氧化鈦電子，呢啲電子能夠分解有機物入面嘅氣味分子，達到除臭效果。
備用狀態嘅XSS-700唔算好大部，唔太阻掟。不宜直望紫外線燈光，但其實燈外面有sensor，當你拎走隻鞋，就算開着機都會熄燈，冇乜機會望到燈光，放心！
烘乾鞋防「吽菌」另外，鞋履殺菌除臭機其實仲有第三個功能，就係靠燈光嘅45度熱力去烘乾對鞋。但咁做唔係為咗等大家洗完鞋快啲乾，而係想盡快蒸發腳汗嘅濕氣，唔濕就自然唔會「吽菌」，咁就預防到唔會產生臭味啦！
請記住，滴水會對紫外線燈同光觸媒有影響，所以洗完嘅鞋唔好插落去。 XSS-700係用濕電，若開咗機但sensor感應唔到伸縮臂有鞋，就會閃燈指示你插鞋落去。
長boot都用得好喇，正式試吓部機。佢兩隻插鞋嘅臂可以伸縮同調校角度，唔只男士嘅皮鞋、波鞋同短身boot用得，女伴嘅長boot亦可以用。用法好簡單，只要插對鞋落伸縮臂，㩒着開關掣，再揀埋要消毒幾耐，跟住就乜都唔使理，消毒完佢就會自動熄機。
只要拉高伸縮臂，再調校尖端角度，就連女裝長boot都插得入。㩒呢粒時間掣就揀到消毒15、30定60分鐘。
最快15分鐘冇晒味時間掣有得揀15、30同60分鐘，齋烘乾鞋嘅話，15分鐘夠有突；一般消毒揀15或30分鐘都得；自覺對鞋勁多菌、臭到冇朋友，就最好殺足60分鐘，香港腳患者最應該用呢種「深度處理」。呢排天氣又凍又乾，我嘅腳汗唔多，所以用嚟試嗰對boot，雖然已經着咗成日，但都唔算大味，只係近距離聞先覺有少少臭，插落部機消毒咗15分鐘，等鞋籠完全乾透之後，再聞已經完全唔覺有味。但當然，部機唔識令啲鞋變香，所以唔會好似李+X咁講：心曠神怡。初步測試，覺得部機係work嘅，但要等到遲吓春夏天嚟到，或者搵對勁臭嘅鞋嚟試，先會見到真章。
實試着咗成日嘅boot，近距離聞有味。只係消毒咗15分鐘，再近距離聞多聞，已經唔再覺有味。
售價：$1,490 查詢：Signeo Design　3403 2864

COMMENT

KEYWORD

鞋履殺菌除臭機, AKAI XSS-700

< PREVIOUS

法國老字號牛扒屋le "Relais de l’Entrecôte"登陸香港

2015-01-07

NEXT >

史上最慳皮《蟻人》海報、預告登場

2015-01-08

SOMETHING NEW

社交平台已經成為大家生活密不可分嘅一環，但素來「玩Social Media」就真係得個「玩」字，係唔會帶來直接收入。不過Meta近日就宣佈會於Threads上推出「獎金計劃」，以及吸引創作者留喺Threads並持續創作有吸引力嘅內 ...

tech

【社群】高達5,000美金 Meta向受邀Thread創作者發獎金

02 May 2024

主打多項AI功能嘅華為Pura 70系列上周正式開賣，多個型號短時間內被搶購一空。不過，有用戶就發現機內嘅AI修圖功能，竟然可以去除部份衣服，生成出性感激凸身材，引起網民熱烈討論。事後華為回覆傳媒，承認AI演算法 ...

tech

【科技】華為手機AI一鍵修圖功能變「一鍵脫衣」引熱議！官方：已修復漏洞

26 Apr 2024

SOMETHING YOU LIKE

雖然而家又凍又乾，但睇怕春天唔使幾耐就會嚟，到時周圍又變到濕立立，幾難頂。呢種天氣，除咗最驚啲衫晒唔乾有陣霉味外，鞋履因唔夠乾爽，焗住啲汗焗到有臭味，亦都好令Gentleman頭痛。大佬，喺屋企除鞋有味俾老婆或女友哦都事小，去到人哋屋企遇到咁嘅情況先尷尬呀。更大鑊嘅係，要去啲高檔少少嘅日本餐廳食飯應酬嗰陣要除鞋的話，真係唔知點算好，唔通中間偷走搵個地方洗腳換襪再噴番香對鞋咩！唔想咁樣，可以點樣？其實都有橋減少遇到呢啲尷尬境況嘅，梗唔係叫大家放幾大包防潮珠入鞋籠咁戇dog dog啦，係可以試吓用呢部AKAI XSS-700鞋履殺菌除臭機。Work唔work？我班咗部返嚟試畀大家睇！
AKAI XSS-700鞋履殺菌除臭機
紫外線殺菌　光觸媒除臭其實靠咩能夠幫對鞋又殺菌又除臭？就係UV紫外線！喺呢部機兩隻插入鞋籠嘅伸縮臂尖端入面，都內置咗UV燈，即係古天樂成日晒嗰啲燈呀，原來唔止可令人變黑，仲可以殺菌消毒㗎！官方話XSS-700所用嘅技術，經過日本食品分析中心證實，能有效殺死足癬菌同金黃葡萄球菌，消毒率更加高達99%！老老實實，我唔知點解係搵食品分析中心驗畀鞋用嘅殺菌機，亦冇能力驗證係咪真係殺到咁多菌，我只能夠試吓經佢殺完菌嘅鞋，係咪真係冇味。不過，試之前仲要講解埋佢另一種除臭技術，就係光觸媒。呢樣嘢大家應該接觸得多啲，事關現時好多雪櫃都有用佢嚟僻味。光觸媒只要一經光線照射，就會釋放出二氧化鈦電子，呢啲電子能夠分解有機物入面嘅氣味分子，達到除臭效果。
備用狀態嘅XSS-700唔算好大部，唔太阻掟。不宜直望紫外線燈光，但其實燈外面有sensor，當你拎走隻鞋，就算開着機都會熄燈，冇乜機會望到燈光，放心！
烘乾鞋防「吽菌」另外，鞋履殺菌除臭機其實仲有第三個功能，就係靠燈光嘅45度熱力去烘乾對鞋。但咁做唔係為咗等大家洗完鞋快啲乾，而係想盡快蒸發腳汗嘅濕氣，唔濕就自然唔會「吽菌」，咁就預防到唔會產生臭味啦！
請記住，滴水會對紫外線燈同光觸媒有影響，所以洗完嘅鞋唔好插落去。 XSS-700係用濕電，若開咗機但sensor感應唔到伸縮臂有鞋，就會閃燈指示你插鞋落去。
長boot都用得好喇，正式試吓部機。佢兩隻插鞋嘅臂可以伸縮同調校角度，唔只男士嘅皮鞋、波鞋同短身boot用得，女伴嘅長boot亦可以用。用法好簡單，只要插對鞋落伸縮臂，㩒着開關掣，再揀埋要消毒幾耐，跟住就乜都唔使理，消毒完佢就會自動熄機。
只要拉高伸縮臂，再調校尖端角度，就連女裝長boot都插得入。㩒呢粒時間掣就揀到消毒15、30定60分鐘。
最快15分鐘冇晒味時間掣有得揀15、30同60分鐘，齋烘乾鞋嘅話，15分鐘夠有突；一般消毒揀15或30分鐘都得；自覺對鞋勁多菌、臭到冇朋友，就最好殺足60分鐘，香港腳患者最應該用呢種「深度處理」。呢排天氣又凍又乾，我嘅腳汗唔多，所以用嚟試嗰對boot，雖然已經着咗成日，但都唔算大味，只係近距離聞先覺有少少臭，插落部機消毒咗15分鐘，等鞋籠完全乾透之後，再聞已經完全唔覺有味。但當然，部機唔識令啲鞋變香，所以唔會好似李+X咁講：心曠神怡。初步測試，覺得部機係work嘅，但要等到遲吓春夏天嚟到，或者搵對勁臭嘅鞋嚟試，先會見到真章。
實試着咗成日嘅boot，近距離聞有味。只係消毒咗15分鐘，再近距離聞多聞，已經唔再覺有味。
售價：$1,490 查詢：Signeo Design　3403 2864