網購已經成為咗大眾嘅日常，平時大家都會用上門送貨、智能櫃等方式取貨，但又有無諗過貨物可以由機械人送上門呢？外國大型網購平台 Amazon 近幾個月就喺美國華盛頓州 Snohomish County 總部附近，測試咗送貨機械人 Scout。而日前 Amazon 就宣布，將會擴大測試計劃，未來將於南加州使用 Scout 送貨。

雖然 Amazon 嘅 Scout 係一個送貨機械人，但佢睇落更似一個會移動嘅箱。其實係 Scout 一款小型6輪車，佢側面印有 Prime Logo，而機身就安裝咗一系列傳感器，以協助佢喺道路上自動安全移動。

過去幾個月 Amazon 一直喺 Snohomish County 總部附近訓練 Scout，研究人員利用咗實際地圖及景觀與障礙物 3D 數據進行混合分析。據了解送貨機械人 Scout 並非 Amazon 唯一未來送貨計劃，佢哋同時探索使緊用無人機進行 Prime Air 送貨服務。

來源：The Verge