Sony自從2013年推出PlayStation 4後，至今已經接近6年無推出新一代家用遊戲硬體。而要黎嘅始終都會黎，因為最新消息指PlayStation 5將於明年2月正式推出！

據微軟及Sony嘅消息指，新一代嘅家用遊戲機一直按照進度準備推出，預計會喺2020年2月正式面世，屆時Sony將會舉行一場名為「PlayStation Meeting 2020」嘅活動，以為呢部全新嘅遊戲機作宣傳。

而除左遊戲機主體之外，PlayStation 5面世後將會至少一同推出The Last of Us Part II及Ghost of Tsushima兩款遊戲，而呢兩款遊戲目前都有喺PS4上出現。

雖然唔可以好肯定Sony真係會於2020年2月推出PS5，但係相信最終明年推出嘅機會仍然係非常高的，各位機迷又係時候儲定錢入手啦！