頭盔從來都係用黎保護自己的，例如可以防止有物件從高處墮下撞穿頭、又或有恐佈份子襲擊打穿頭。而單係防禦可能已經唔能夠滿足用家，最新嘅頭盔升級版就係內置前後攝錄機，以拍到發生的事實。

日前一款全新單車頭盔對外發佈，該頭盔配備兩個4K/30fps嘅攝錄機，一前一後進行拍攝，同時碩盔可與智能手機連接，從而將拍攝到嘅影像傳回手機中。

呢款頭盔係為左比踩單車嘅人士用的，因為如果喺踩單車嘅時候發生事故，拍下嘅錄像將成為重要證物，從而避免口同鼻拗。除左有雙攝錄機之外，頭盔亦都有一個LED燈號，令其他人可以睇到該帶上頭盔的人士。而如果真係發生事故，頭盔有一個功能就係可以自動發一個訊息給頭盔者的家人或預先設定好嘅人士，咁樣就算頭盔使用者昏迷，都可以即時通知相關人士。

不過由於頭盔屬新發明，所以目前定價較貴要價490歐元，亦即係大約4200港元。如果有錢嘅朋友，又想有最高級嘅裝備，呢個頭盔絕對係非常好嘅選擇，因為如果你真係帶住佢發生左咩事，都可以全程拍低現況，仲可以有咩事自動通知家人添，香港人可能真係好需要！