科技日新月異，以往只有在電影中出現嘅高科技產品，都陸陸續續出現於人前，甚至變得平常不過。而其中眼鏡／太陽眼鏡，如今都已經變得不再單係只有眼鏡功能了。

近期不少公司開始推出智能眼鏡，而Bose就係其中之一。今次佢地推出嘅智能太陽眼鏡 - Bose Frames，除左擁有一般太陽眼鏡嘅遮光功能之外，亦具備無線耳機、通話技術及AR裝置。

Bose Frames外表睇落與一般太陽眼鏡無咩太大分別，但實際上於鏡架兩旁均藏有Bose微型發聲單元及麥克風，只要用上Bose專用app，就可以連線用於聽歌及通話功能，而同時享受Bose出色嘅音響實力。

唔單止咁，今次呢副Bose Frames仲有業界首創嘅音頻擴增實境平台Bose AR，用家可清晰了解自家嘅位置及視線內嘅景物，只要通過Bose AR app就可以自動添加一層音頻，令用戶以嶄新方式體驗生活。

不過千祈唔好嘗試將前面嘅黑超鏡更換成平光鏡，然後用於出貓等唔應該做嘅野，記住千祈唔好呀！