有邊位冇藍芽耳機嘅唔該舉手 ，呢個世代應該人人都有一個藍芽耳機，當然我都識有人鐘意咬住條線講電話，但係我今日唔係講藍芽耳機，反而想介紹一個非常實用嘅藍芽裝置畀大家，如果你有打機，無論Nintendo Switch 定 PlayStation 4，還是單純電腦window 和macOS用家，有冇諗過用你平時手機聽開嘅藍芽耳機接收打機嘅聲音呢？日本就有一間家電公司推出咗一個產品BT-TM700，簡而言之就係專為 Nintendo Switch 和 PlayStation 4 而設的藍芽發射器，賣價港幣214(價格約為 ¥2,980 日圓)。我相信賤物鬥窮人，合用起來呢舊野比起推薦上流的音響產品更實用吸引，有需要請自行訂購。

BT-TM700來自大阪的一家家電小公司株式会社 CIO，佢地將會係日本 Amazon 網站直銷呢隻「二舊水」的藍芽發射器。兼容藍芽5.0的BT-TM700，最多可以連接兩個藍芽裝置，除支援 A2DP、AVRCP、AFH、HFP 和 HSP 外，亦對應編解碼器 aptX 和 aptX Low Latency，可以高質穩定將你打機嘅聲音發送到你個藍芽耳機去領略個人嘅遊戲體驗。

其實內地同淘寶都好似見過有類似嘅產品，不過我哋除咗要睇價錢仲要睇佢嘅功能同連接性，連接性方面，除支援 Windows 8 和更高版本外，BT-TM700可以同 macOS、Nintendo Switch 和 PlayStation 4 等連接，支援即插即用，用家只需要係移動模式下將 BT-TM700 直接連接到 USB-C 即可使用。當選擇 Nintendo Switch 電視模式時，用戶亦可以利用隨機附送的轉換電線，直接連接到 Switch Dock 的 USB-A 端口。

此外，BT-TM700 還配備有充電口，並支持 PowerDelivery 2.0（PD2.0）的快速充電，讓用戶能在 Switch 的移動模式下，一邊玩遊戲一邊充電。至於使用 PlyaStation 4 時，則可透過隨附的轉換電纜作連接。BT-TM700的尺寸 43 x 45 x 10mm，重量為 10g。

老老實實我都想搵朋友一齊團購

入手位置：https://www.amazon.co.jp/dp/B0813QG9SR