相機品牌現時市場上仍然有唔少選擇，好似Canon、Sony、fujifilm等等，但可能好快就會少上一個，講緊嘅就係較早前已經盛傳可能會出售相機業務嘅Olympus。

有消息指，Olympus CEO Yasuo Takeuchi日前表示希望可以將公司嘅利潤率大幅提升，而其中一個方法就係進行裁員。同時，由於相機業務銷售情況唔理想，因此Olympus唔排除會將呢個業務賣掉。

對比起Olympus銷售情況最好佔據市場達到70％嘅內窺鏡業務，其相機業務僅僅係公司銷售額嘅6％，係全公司利潤率及增長率最低嘅業務。有見及此，相信Olympus更願意投放資源及時間於其餘有更大利潤嘅業務，所以分拆相機業務賣掉絕對係合理的。

Olympus由1936年推出第一部相機，至今已經83年，如果最終真係要賣掉呢個版塊，實在令人感到可惜。