正當Apple推出全新iPhone SE系列新機，大家處於換唔換呢部買A13晶片送手機嘅掙扎下，Apple嘅iPhone 12已經逐步迫近，更多手機細節陸逐曝光，如果你唔急換機嘅話，真係可以睇定啲等多一陣。

除左有傳iPhone 12系列會出現4鏡頭、A14晶片之外，最新流出消息則指M字額設計將會有改動，雖然iPhone 12會保留與iPhone X後出現嘅M字額部份，但據指Size將會縮小。

要知道iPhone嘅M字額位置其實隱藏不少部件，就好似喇叭、鏡頭、感應器等等，因此縮小範圍代表所有部件將會排得更加緊密，而按流出消息表示，喇叭將會被移離原來的位置。

其實呢個M字額可以話係近幾代iPhone標誌性嘅設計，如今能夠減低M字額嘅程度，屏幕使用度將增加，對於用家來說絕對會有更好嘅體驗。

雖然暫時唔知iPhone 12幾時會正式推出，但已經令人好期待啦！唔知而家你仲會唔會考慮買SE2呢？