{ SKIP }
文:MenClub 魏文青  
POSTED ON 23 Jun 2020

一年一度 Apple Worldwide Developers Conference (WWDC) 剛於本港時間今早舉行,咁究竟有咩新嘢?以下就係重點整理!

Mac機換自家ARM Cpu

所謂ARM架構CPU,係指與傳統桌面電腦通常使用嘅Intel x86架構相比,更為低成本、高效能、低耗電嘅處理器,再簡單啲黎講呢,就即係大家電話入面會入到嘅處理器架構。而隨住Apple自家出嘅「Apple Silicon」CPU系列日漸成熟,效能已經追上傳統x86架構,但同時有保有上述好處,所以Apple就宣佈Mac會轉用Apple Silicon CPU。

換咗新架構,其他程式開發者當然亦要相應更新,目前Microsoft Office及Adobe Creative Studio 都已經開發緊ARM架構版本。而對用家黎講最大嘅好處,就係由於架構與手機一樣,所以iOS及iPadOS用到嘅APP,都可以於ARM架構嘅Mac中直接使用,解決Mac軟件不足嘅問題。

只於性能方面,Apple話iPad Pro 2018中嘅A12X Cpu,性能比起Xbox One S或市面八成Notebook都要強,於WWDC中亦展示咗剪片及遊戲時嘅效能。

macOS Big Sur

硬體換架構,軟體當然都要相應更新。macOS Big Sur將會取代Mac OS X,成為Mac機作業系統。目前公佈嘅機大要點,包括新嘅半透明介面、加入iPhone同iPad已有嘅控制中心,以及會將訊息歸類,並能夠加入Widgets嘅提示中心。另外Safari亦有更新,新版中嘅Privacy Report讓用家了解網頁存取緊邊啲私隱,亦可以選擇幾時及對邊啲網站開放Safari延伸功能。

上文都講過由於Mac機轉換架構,iOS及iPadOS嘅APP可以直接於新Mac上使用,但macOS Big Sur就會加入更多能,例如iMessage加入搜尋功能、地圖 (比起手機版) 可以顯示更多資訊等。

iOS 14

iOS方面,最搶眼嘅當然係非常「熟口熟面」嘅「主畫面Widgets」。另外iOS亦加入App Library頁面,所有Apps都會分類出現喺App Library中,用家再將呢啲APP擺放於自定數目嘅主畫面上,換言之唔一定所有APP都要出現喺主畫面之上……同樣都係熟口熟面。iOS14亦加入畫中畫功能,播片時轉去另一啲APP,影片會改為懸浮視窗繼續播放,以後用Youtube聽歌就可能方便多少少。另外Siri亦唔會佔據整個畫面,而只於底部出現。

自家APP方面,會推出可完全離線操作嘅翻譯APP,Messages可以為群組設定頭像、置頂重要對話,並加入「提及」同「引用」兩個功能。另外Memoji亦有更新,例如戴口罩。

iPadOS 14

iPadOS方面主要就係優化介面,例如有人打電話或Facetime黎時會改以橫額顯示、整合搜尋功能、改善內置程式側欄顯示。最重大嘅更新在於Apple Pencil嘅使用上。加入隨手寫功能,喺任何文字框都可以直接手寫輸入。手寫文字可以選取,並Copy & Paste到另一文件成為電腦字。另外值得一提,隨手寫功能支援中英混合輸入,對香港人黎講應該幾方便。

WatchOS

加入分享錶面功能,開發者亦可以一個app中提供多個複雜功能。另外亦加入睡眠追蹤,大家就可以知道自己有幾咁唔夠瞓。仲有洗手偵測,透過偵測動作及聲音知道你洗緊手,然後啟動20秒計時器,你洗得太快會叫你繼續洗,返到屋企又會叫你洗,堪稱手腕上的董太。

售價方面呢,就係300萬…歐元,即係HK$2600萬左右。放心,下年年頭先開賣,仲有半年時間大家儲下錢就買到架啦。
tech
【林寶堅尼】狂牛入海 Tecnomar for Lamborghini 63超豪遊艇
02 Jul 2020
三大相機牌子在整個六月都沒有 讓人特別關注的新聞,反而在攝影玩家視線幾乎已消失了的Olympus近日卻爆出了重大新聞,不是出新機,而是斬纜相機業務,轉售給日本私募基金JIP。 ...
tech
Alex Ng - Olympus相機賣盤,M43仲有冇前途?
30 Jun 2020