{ SKIP }
文:MenClub 魏文青  
POSTED ON 06 Nov 2020

去太空冒險甚至到達另一個星球,可能係唔少人嘅願望,尤其依家成個地球都好似冇個地方好住,如果有機會移民太空好似都係個唔錯嘅選擇。而根據NASA最新發表嘅報告,淨係太陽系所在嘅銀河系,保守估計都有3億個「宜居行星」,想太空移民嘅話大把選擇呀!

圖片:NASA

首先要知道所謂「宜居行星」嘅定義,其實相當簡單,主要係指該星球為主要石質、表面環境能夠(理論上)存在液態水份就已經符合,當然背後都仲要計恆星嘅大小溫度、行星與恆星距離、大氣層成份之類。而NASA使用克卜勒太空望遠鏡於2018年退役前收集到嘅資料、淨係去搵銀河系中年齡與大細都同太陽差唔多、而又有至少一粒行星圍繞嘅恆星星系,再估計當中7%星系有宜居行星,都得出銀河系中有多達3億個宜居行星,而且最近嘅一個只存在於太陽系20光年之外,算係非常近架啦。

值得一提嘅係,NASA話上面個「7%機率」係非常、非常保守嘅計法,樂觀嘅話個機率係75%,換言之「3億」呢個數字都可能唔係真正答案。

圖片:NASA

當然,「表面可能有水嘅石質星球」只係一個非常基礎嘅宜居星球標準,但當你有幾億個機會時,冇理由一個適合人類居住嘅星球都撞唔到架?如果搵到又去到,移民外星好似好過移民外國喎。

來自麻省理工學院「AI生存安全」研究員Peter Park近日於學術期刊發佈論文,指出佢搵到多個AI講大話、作出迷惑人類行為嘅案例,並警告AI對於人類社會嘅威脅日益嚴重。 圖片:《智能叛變》 卻說擁有Faceboo ...
tech
【AI】研究發現AI識講大話、迷惑人類 專家警告或危害人類
16 May 2024
AI慢慢進入大家嘅生活方方面面,並開始引起一啲新嘅社會問題。例如早前有電話品牌內置嘅AI改圖功能,竟然能夠對相中人「一鍵脫衣」;而有類似「裸體化(Nudify)」功能嘅P圖App亦如雨後春筍一樣紛紛冒起,《New York ...
tech
【AI】OpenAI考慮容許開放ChatGPT用作生產色情內容
14 May 2024