蘋果Apple Watch功能一直出色，但功能真係唔會嫌多，而官方日前最新公佈Apple Watch將可監測和分類心肺適能水平(Cardio Fitness level)。

配合iOS 14.3及watchOS 7.2，Apple Watch可利用光學心率感測器 、GPS 和加速感應器等多種感測器，讓用戶可以喺 iPhone 嘅健康 app 上查看心肺適能水平，並喺心肺適能水平下降至較低範圍時收到 Apple Watch 嘅通知。

Apple Watch 早早已能喺劇烈嘅戶外步行、跑步或遠足期間，估算平均值和較高水平嘅最大攝氧量。而家就算用戶未有進行高強度體能訓練，Apple Watch 都可以更準確測量用戶嘅最大攝氧量，提供低度心肺適能水平資料。

美國心臟協會喺 2016 年發表一項科學研究結果，指出與吸煙、糖尿病及高血壓等常見風險因素相比，心肺適能水平是更有效嘅死亡風險預測指標。

圖片來源: Apple