航行業一直係被指高碳排放行業，為咗減少碳排放，科學家們絞盡腦汁搵各種方法為飛機減碳。據美國科技雜誌《WIRED》報導，最近牛津大學科學家成功搵到將空氣中二氧化碳（CO2）轉化成飛機燃料既方法，為飛機實現零碳排放邁進一大步。

過去曾有唔少研究嘗試將二氧化碳轉化成燃料，但都係需要用到較貴嘅材料製成催化劑。而牛津大學研究團隊則使用一種由廉價材料（鐵，錳及鉀）組成嘅催化劑，能夠將空氣二氧化碳分子中碳原子同氧原子分離、然後碳原子同氫原子結合成為可以當作飛機燃料嘅碳氫化合物分子，而剩低嘅氧原子就會同其他氫原子結合成水。

圖截至：nature.com

實驗表明，喺20個鐘之內，催化劑已經將反應室入面既38%二氧化碳轉化為飛機燃料同其他副產品，當中有48%係飛機燃料，其他就係水、丙烯（propene）同乙烯（ethene），後兩者仲可以用嚟整塑膠。團隊又表示，由於二氧化碳係空氣中提取，總體而言飛機使用呢種燃料將達至碳中和，實現「零碳排放」。

資料來源：WIRED、Nature.com