Marshall繼半年前推出首款真無線耳機「Marshall Mode II」後，決定乘勝追擊再推一款主動降噪真無線耳機「Motif ANC」，同樣採用型格全黑身機配上「M」字Logo設計，貫徹品牌搖滾風格。

「Motif ANC」以主動降噪（ANC）功能為賣點，能夠配合手機App調整EQ（音效均衡器）及ANC水平，採用入耳式加短柄機身設計，具備IPX5防水等級，同時內建咪高峰並支援觸控，能夠接聽/掛斷電話、切換降噪/通透模式等等。官方表示開啟ANC情況下耳機續航力為4.5小時，配合埋支援無線充電嘅皮革紋理充電盒，就可以額外提供20小時電力。

另外Marshall同時亦推出咗另一款半入式嘅真無線耳機「Minor III」，岩晒啲唔鍾意入耳式嘅朋友。耳機採用12mm單元，具備IPX4防水等級，同樣內建咪高峰並支援觸控，不過就冇ANC。續航力為5小時，加埋無線充電盒總總共可提供25小時電力。

目前兩款耳機已於官網公開發售，「Motif ANC」售價為HK$1,599，而「Minor III」售價則為HK$1,099。