半空發射　印度差佬用無人機噴胡椒噴霧

文：MenClub Patrick　　圖：互聯網
POSTED ON 10 Apr 2015

最近印度警方對外宣布，佢哋購入咗5架載有胡椒噴霧嘅航拍無人機，打算下個月開始服役，遇着咩非法集結就用嚟驅散人群，唔單止快過香港「慈母」，直頭係全球首創，但係咪揚威國際就唔知喇！

據印度警方講，佢哋嗰5架特製無人機除咗能夠噴射胡椒噴霧，亦都能夠正常咁拍片同影相，用嚟記錄集會同遊行過程，但係捉強姦犯又唔見佢哋咁積極嘅？每架胡椒噴霧無人機大約值1,000蚊美金，原來之前班印度差佬已經喺啲大日子試用過呢款無人機嘅原型，覺得work，所以正式引進嚟長用。

開發呢款無人機嘅廠商仲話，架機其實仲可以射埋催淚彈，甚至係霰彈同手榴彈添，咁講用佢去打仗都得喎。不過單就胡椒噴霧嚟講，喺半空發射其實比顏射更易擋，撐起雨傘就搞掂啦，我唔介意「慈母」有樣學樣喎！